اہم یورپی ملک کے وزیر اعظم کو عہدے سے ہٹادیا گیا

اہم یورپی ملک کے وزیر اعظم کو عہدے سے ہٹادیا گیا
اہم یورپی ملک کے وزیر اعظم کو عہدے سے ہٹادیا گیا
سورس: Instagram

  

سٹاک ہوم (ڈیلی پاکستان آن لائن) یورپی ملک سویڈن کی اسمبلی نے وزیر اعظم کے خلاف تحریکِ عدم اعتماد منظور کرلی۔

برطانوی خبر ایجنسی روئٹرز کے مطابق سویڈن کے وزیر اعظم سٹیفن لوفوین کے خلاف تحریک عدم اعتماد منظور ہوگئی ہے جس کے بعد یا تو وہ دوبارہ الیکشن کا اعلان کرسکتے ہیں یا پھر اپنا استعفیٰ سپیکر کو جمع کرواسکتے ہیں جو نئی حکومت کا انتخاب کریں گے۔ سٹیفن کے پاس اس حوالے سے فیصلہ کرنے کیلئے صرف ایک ہفتے کا وقت ہے۔

دی گارڈین کے مطابق سویڈن کی تاریخ میں ایسا پہلی بار ہوا ہے کہ کسی وزیر اعظم کو اپوزیشن ارکان نے اٹھا کر اسمبلی سے باہر پھینکا ہو۔ سٹیفن لوفوین دائیں بازو کے سیاست دان ہیں جنہوں نے دو چھوٹی جماعتوں کے ساتھ مل کر مخلوط حکومت قائم کی تھی۔

اسمبلی میں پیش کی جانے والی تحریک کیلئے تمام 349 اراکین نے ووٹنگ کی۔ تحریک عدم اعتماد کی کامیابی کیلئے 175 ووٹ درکار تھے تاہم اس کے حق میں 181 ووٹ آئے۔ تحریک پیش کرنے والی ڈیموکریٹ پارٹی کے لیڈر جمی آکیسن نے ووٹنگ سے پہلے اپنے خطاب میں کہا کہ یہ انتہائی کمزور حکومت ہے جس کو کبھی اقتدار میں آنا ہی نہیں چاہیے تھا۔

مزید :

بین الاقوامی -