موٹروے نجی کمپنی کو دینا غیر قانونی اقدام ہے،مہرین انور راجہ

موٹروے نجی کمپنی کو دینا غیر قانونی اقدام ہے،مہرین انور راجہ

  



لاہور( لیڈی رپورٹر)سابق وزیر مملکت انصاف و پارلیمانی امور مہرین انور راجہ نے کہا ہے کہ اسلام آباد لاہور موٹروے نجی کمپنی کو دینے سے قومی خزانہ کو 205ارب روپے کا نقصان ہوا ہے ،نجی کمپنی 20 سال تک موٹروے پر چلنے والی گاڑیوں سے ٹیکس وصول کرے گی ، ایک بیان میں انہوں نے کہاکہ موٹروے نجی کمپنی کو دینا غیر قانونی اقدام ہے جس کی تحقیقات ہونی چاہیں ،جس کمپنی کو یہ ٹھیکہ دیاگیا ہے اس کمپنی نے تو درخواست بھی نہیں دی تھی لیکن پھر بھی اس کمپنی کو ٹھیکہ دے دیا گیا ہے ،انہوں نے کہاکہ حکومت من مانیاں کررہی ہے ،قو می خزانہ کو نقصان پہنچایا جارہا ہے ،عوام کے مسائل حل کرنے کے لئے کچھ نہیں کیا جارہا ہے ،قومی وسائل کا تحفظ نہیں کیا جارہا ،عوام مشکلات کا شکار ہیں لیکن ان کی مشکلات حال کرنے کے لئے حکمران سنجیدہ نہیں

مزید : میٹروپولیٹن 1