چین میں200سال قبلِ مسیح کا اہرام دریافت
بیجنگ(مانیٹرنگ ڈیسک)چین میں کھدائی کے دوران دوسوسال قبلِ مسیح کااہرام دریافت ہواہے،اہرام کے قریب ایک قبر بھی ملی ہے۔یہ دریافت صوبہ ہنان میں ایک رہائشی کمپلیکس کی کھدائی کے دوران سامنے آئی۔ماہرین آثار قدیمہ کا کہنا ہے کہ اہرام ہان دور حکومت کا ہے،اس دور کو چین کا سنہری دور بھی کہا جاتا ہے۔اہرام اسی دور میں دوسو قبل مسیح سے دوسو بیس عیسوی کے درمیان تعمیر کیا گیا۔مقامی میڈیا نے اسے اہرام ڑونگ ڑو کا نام دیا ہے جو چھ فٹ بلنداور تیس میٹر طویل ہے۔ چین کیاس علاقے میں ایسے اہرام کی دریافت اپنی نوعیت کا منفرد واقعہ قرار دیا جارہا ہے۔