پی ایس ایل فائنل میں موبائل فون سروس کھلی رہے گی، وزیر اعلی سندھ

پی ایس ایل فائنل میں موبائل فون سروس کھلی رہے گی، وزیر اعلی سندھ

کراچی(آئی این پی ) وزیر اعلی سندھ مراد علی شاہ نے کہا ہے کہ شہری خوشگوار انداز میں پاکستان سپر لیگ کا فائنل انجوائے کریں،پی ایس ایل کے فائنل میچ کے روز موبائل فون سروس کھلی رہے گی،فائنل کے موقع پر سیکیورٹی انتظامات پر خاص توجہ دی ہے۔ کراچی میں میڈیا سے بات کرتے ہوئے وزیراعلی سندھ مراد علی شاہ نے کہا کہ سندھ حکومت نے پی ایس ایل کے فائنل کے موقع پر سیکیورٹی انتظامات پر خاص توجہ دی ہے، پی ایس ایل فائنل کے موقع پر سیکیورٹی کے انتظامات تسلی بخش ہیں، شہری خوشگوار انداز میں پاکستان سپر لیگ کا فائنل انجوائے کریں۔مراد علی شاہ نے کہا کہ پی ایس ایل کے فائنل کے روز موبائل فون سروس بند ہونے سے شہریوں کو پریشانی کا سامنا ہوسکتا ہے اور ہم شہریوں کو پریشان نہیں کرنا چاہتے۔ اس لئے فیصلہ کیا گیا ہے اس دن موبائل فون سروس بحال رہے گی۔واضح رہے کہ پی ایس ایل کے دوسرے اور تیسرے پلے آف کے دوران لاہور میں موبائل فون سروس بند رہے گی، فائنل کے دوران کراچی میں بھی موبائل فون سروس بند رکھنے کا فیصلہ کیا گیا تھا۔

وزیر اعلی سندھ

مزید : صفحہ اول