پی ٹی سی ایل‘یوفون کاسیلز اینڈ سروس سینٹرز بند کرنے کا اعلان

پی ٹی سی ایل‘یوفون کاسیلز اینڈ سروس سینٹرز بند کرنے کا اعلان

  



اسلام آباد(پ ر)صحت عامہ کے بہترین مفاد میں پی ٹی سی ایل اور یوفون نے پاکستان بھر میں کورونا وائرس کے بڑھتے ہوئے واقعات کی وجہ سے 31 مارچ 2020 تک جنوبی پنجاب، سندھ اور بلوچستان میں سیلز اینڈ سروس سینٹرز اور جوائنٹ شاپس بند کر دیئے ہیں۔صارفین کو بہتر خدمات کی فراہمی اور کاروباری تسلسل کو یقینی بنانے کے لئے متبادل ذرائع اور ڈیجیٹل چینلز کے ذریعے پی ٹی سی ایل اور یوفون کے صارفین کو خدمات فراہم کی جائیں گی۔ہم پی ٹی (بقیہ نمبر48صفحہ12پر)

سی ایل صارفین کو پی ٹی سی ایل ڈیجیٹل چینلز جیسے پی ٹی سی ایل ویب سائٹ، care@ptcl.net.pk، کمپلینٹ رجسٹریشن، سیلف کیئر پورٹل، پی ٹی سی ایل ٹچ ایپ اور آن لائن ڈیجیٹل بل کی ادائیگی کے استعمال کی ترغیب دیتے ہیں۔ یوفون صارفین کو آسانی فراہم کرنے کیلئے، ڈیجیٹل سروسز میں یوفون ویب سائٹ، customercare@ufone.com ، ما ئی یو فون ایپ، یوپیسا، آن لائن بینکنگ سروسز، موبائل فنانشل سروسز، ریٹیلرز اور اے ٹی ایم مشینیں بھی دستیاب ہیں۔سماجی دوری اور ہموار مواصلات کو فروغ دینے کے لئے ہم صارفین کو ان کی سہولت کے لئے دونوں کمپنیوں کی پیش کردہ ڈیجیٹل خدمات کو استعمال کرنے کی ترغیب دیتے ہیں۔ مزید یہ کہ پی ٹی سی ایل کے صارفین کسی بھی مدد کے لئے 1218 پر کال کرسکتے ہیں۔ یوفون کے صارفین موبائل سے 333 اور لینڈ لائن سے0331-1333-100 پر کال کرسکتے ہیں۔ دونوں کمپنیوں کے ہیلپ لائن نمبر صارفین کی جانب سے کسی درخواست یا سوال کی صورت میں ہفتے بھر اور 24 گھنٹے دستیاب اور میسر ہیں۔ صارفین کی ضروریات کا خیال رکھنے وا لے ادارے ہونے کی حیثیت سے صارفین، ایمپلائز اور تمام اسٹیک ہولڈرز کی، حفاظت اور بہبود و بہتری دونوں کمپنیوں کے لئے انتہائی اہمیت کا حامل ہے۔

مزید : ملتان صفحہ آخر