حمزہ شہباز کی ضمانت منسوخی کیلئے سپریم کورٹ میں اپیل دائر

حمزہ شہباز کی ضمانت منسوخی کیلئے سپریم کورٹ میں اپیل دائر

  



 اسلام آباد (مانیٹرنگ ڈیسک) نیب نے حمزہ شہباز شریف کی ضمانت منسوخی کیلئے سپریم کورٹ سے رجوع کر لیا، درخواست میں استدعا کی گئی ہے کہ لاہور ہائیکورٹ کے فیصلے کو کالعدم قرار دیکرضمانت منسوخ کی جائے۔سپریم کورٹ میں نیب نے حمزہ شہباز کی ضمانت منسوخی کے لیے اپیل دائر کر دی جس میں موقف اختیار کیا گیا ہے کہ حمزہ شہباز کولوکل گورنمنٹ کو جاری 360 ملین کی رقم میں مبینہ کرپشن کے الزام میں گرفتارکیا گیا، یہ رقم 9 کلومیٹر لمبے ویسٹ واٹر کی نکاسی کے منصوبہ کیلئے استعمال ہونا تھی، رمضان شوگر ملز کے منصوبہ کو عوامی منصوبہ ظاہر کیا گیا۔درخواست میں مزید کہا گیا ہے کہ حمزہ شہباز شریف کے خلاف شکایت آنے پر انکوائری کی گئی، تحقیقات سے ظاہر ہوا کہ وزیرِاعلیٰ پنجاب شہبازشریف نے اپنے اختیارات کا ناجائزاستعمال کیا، شہباز شریف نے رمضان شوگر ملز کو سرکاری خزانے سے فائدہ پہنچایا۔نیب نے درخواست میں موقف اختیار کیا کہ شہباز شریف نے دباؤ ڈال کر این او سی حاصل کیا، لاہور ہائیکورٹ نے حقائق کا درست جائزہ نہیں لیا لہذا لاہور ہائیکورٹ کے فیصلے کو کالعدم قرار دیتے ہوئے ضمانت منسوخ کی جائے۔

اپیل دائر

مزید : صفحہ آخر /رائے