ڈرامہ ’’ میرے پاس تم ہو‘‘میں دانش کے کردار کی مجھے پیشکش ہوئی تھی اور جب میں نے پیسے مانگے تو ۔ ۔ ۔ فیروز خان کے دعوے نے نیا تنازعہ کھڑا کردیا

ڈرامہ ’’ میرے پاس تم ہو‘‘میں دانش کے کردار کی مجھے پیشکش ہوئی تھی اور جب ...
ڈرامہ ’’ میرے پاس تم ہو‘‘میں دانش کے کردار کی مجھے پیشکش ہوئی تھی اور جب میں نے پیسے مانگے تو ۔ ۔ ۔ فیروز خان کے دعوے نے نیا تنازعہ کھڑا کردیا

  



کراچی (ویب ڈیسک) سابق اداکار فیروز خان نے انکشاف کیا ہے کہ ڈراماسیریل ’’میرے پاس تم ہو‘‘ میں انہوں نے دانش کاکردار اداکرنے کے لیے پیسے مانگے تھے جس کی وجہ سے انہیں یہ کردار نہیں دیا گیا۔

اداکار ہمایوں سعید اور مصنف خلیل الرحمان قمر کے کیریئر کے سب سے کامیاب ڈرامے ’’میرے پاس تم ہو‘‘ نے جہاں مقبولیت کے کئی ریکارڈ توڑے، وہیں یہ تنازعات کی زد میں بھی رہا اور اب بھی مسلسل تنازعات میں الجھا ہوا ہے۔  فیروز خان نےدعویٰ کیا ہے کہ ’’میرے پاس تم ہو‘‘ انہیں آفر ہوا تھا لیکن جب انہوں نے ڈرامے میں کام کرنے کے پیسے مانگے تو انہیں ’’دانش‘‘کا کردار کرنے نہیں دیا گیا، خلیل صاحب نے منع کردیا، شاید انہیں اچھا نہیں لگا ہو گا کہ کوئی ان کے سکرپٹ پر کام کرنے کے پیسے مانگ رہا ہے۔

ایکسپریس کے مطابق فیروز خان حال ہی میں نجی ٹی وی کے شو میں شریک ہوئے جہاں انہوں نے میزبان کے کہنے پر خلیل الرحمان قمر کو مشورہ دیتے ہوئے کہا کہ اپنے آپ سے باہر نکلیں۔فیروز خان نے خلیل الرحمان قمر کے بارے میں کہا کہ وہ یہ دعویٰ کرتے ہیں کہ لوگ انہیں کام کے سلسلے میں فون کرتے ہیں اور شاید میں نے انہیں کبھی ان کے اسکرپٹ پر کام کرنے کے لیے فون نہیں کیا۔

میزبان نے پوچھا ڈراما سیریل ’’میرے پاس تم ہو‘‘ پہلے آپ کرنے والے تھے؟ جس پر فیروز خان نے کہا جی مجھے ڈرامے کا مرکزی ’’دانش‘‘کا رول آفر ہوا تھا جسے ہمایوں سعید نے ادا کیا ہے۔ میزبان نے پوچھا تو آپ نے یہ کردار کیوں نہیں کیا جس پر فیروز خان نے کہا میں نے یہ کردار ادا کرنے کے پیسے مانگے تھے۔

میزبان نے کہا توکیا ہمایوں سعید نے مفت میں کام کیا تھا؟ جس پر فیروز خان نے کہا ہمایوں سعید کی وہ اپنی پروڈکشن تھی تو مجھے نہیں معلوم کہ انہوں نے کس طرح کیا۔ لیکن مجھے ایسا لگتا ہے کہ جب میں نے پیسے مانگے تو خلیل صاحب کو یہ اچھا نہیں لگا ہوگا کہ کوئی اداکار ان کی اسکرپٹ کے لیے پیسے مانگ رہا ہے۔

View this post on Instagram

فیروز خان نے انکشاف کرتے ہوئے کہا ہے کہ ’’دانش‘‘ کا رول پہلے انہیں آفر ہوا تھا لیکن جب انہوں نے خلیل الرحمان قمر سے ڈراما ’’میرے پاس تم ہو‘‘میں کام کرنے کے پیسے مانگے تو خلیل صاحب نے منع کردیا شاید انہیں یہ اچھا نہیں لگا ہوگا کہ کوئی اداکار ان کی اسکرپٹ میں کام کرنے کے لیے پیسے مانگ رہا ہے۔ @ferozekhan Video courtesy: @arynewstv . . . #FerozeKhan #KhalilUrRehmanQmar #MerayPassTumHo #Danish #humayunsaeed #WaseemBadami #controversy #AyezaKhan #mehwish

A post shared by pakcelebz (@pakcelebz_official) on

فیروز خان کی اس بات پر میزبان نے کہا اچھا تو کیا باقی اداکار مفت میں کام کرتے ہیں؟ جس کے جواب میں فیروز خان نے کہا مجھے نہیں پتہ لیکن جس طرح خلیل صاحب دعویٰ کررہے ہیں کہ اداکار میرے اسکرپٹ میں کام کرنے کے لیے مجھے فون کرتے ہیں تو ہوسکتا ہے وہ اداکار مفت میں کام کرتے ہوں گے۔ تاہم جب میں نے ڈرامے میں پیسے مانگے تو انہوں نےمنع کردیا، جس پر میں نے کہا ٹھیک ہے۔

مزید : تفریح