اداکارہ منال خان کو منگیتر کے ہمراہ تیراکی کی ویڈیو شیئرکرنا مہنگا پڑگیا، سوشل میڈیا صارفین کی تنقید
کراچی (ویب ڈیسک) اداکارہ منال خان کی ان کے منگیتر احسن محسن اکرام کے ساتھ سوئمنگ (تیراکی) کرتے ہوئے ویڈیو سوشل میڈیا پر وائرل ہورہی ہے جس کی وجہ سے ایک بار پھر انہیں سوشل میڈیا صارفین کی جانب سے تنقید کا نشانہ بنایا جارہا ہے۔
ڈراما سیریل ’’جلن‘‘ کے بعد تو ایسا لگتا ہے تنازعات نے منال خان کا دامن ہی پکڑ لیا ہے۔ کچھ عرصہ قبل ان کی ایک فوٹوشوٹ کی ویڈیو وائرل ہوئی تھی جس میں وہ سیٹ پر انتہائی نازیبا انداز میں لیٹی ہوئی تھیں۔ اس کے بعد ان کی بوائے فرینڈ احسن محسن اکرام (جو اب منگیتربن گئے ہیں) کے ساتھ کئی تصاویر سامنے آئی تھیں جن پر لوگوں نے شدید تنقیدکی تھی۔
View this post on Instagram
چند روز قبل منال خان کو اداکار احسن خان کے شو میں مغربی طرز کا لباس پہننے پر تنقید کا نشانہ بنایا گیا تھا اور اب ان کی احسن محسن اکرام کے ساتھ سوئمنگ پول میں تیراکی کرتے ہوئے ویڈیو وائرل ہورہی ہے۔
View this post on Instagram
گزشتہ روز احسن محسن اکرام نے اپنے انسٹاگرام اکاؤنٹ پر ایک مختصر ویڈیو شیئر کی جس میں وہ اور منال خان سوئمنگ پول میں تیراکی کررہے ہیں۔ اور یہ ویڈیو دیکھتے ہی دیکھتے جنگل کی آگ طرح پورے سوشل میڈیا پر وائرل ہوگئی۔ تنقیدی تبصروں سے بچنے کے لیے احسن محسن نے کمنٹ بند کردئیے لیکن مختلف سوشل میڈیا پلیٹ فارمز پر لوگ اس ویڈیو پر اپنی رائے کا اظہار کررہے ہیں۔
View this post on Instagram
لوگ شادی سے پہلے ہی منال خان اور احسن محسن اکرام کے درمیان اتنی زیادہ نزدیکیوں پر اعتراض کرتے ہوئے دونوں بہنوں ایمن اور منال کا موازنہ کررہے ہیں ۔کئی صارفین نے اس ویڈیو پر تنقید کرتے ہوئے کہا یہی رہ گیا تھا دیکھنے کے لیے جب کہ کچھ لوگوں نے طنز کرتے ہوئے کہا یہ ہے اسلامی جمہوریہ پاکستان۔