پاکستان ، بھارت ، افغانستان اور چین سمیت خطے کے کن کن ممالک میں زلزلہ آیا؟
ممبئی(ڈیلی پاکستان آن لائن)پاکستان کے سمیت دنیا کے مختلف ممالک میں 6.8 شدت کے زلزلے کے جھٹکے محسوس کیے گئے ہیں۔پاکستان کے پڑوسی ممالک بھا رت، چین اور افغانستان میں بھی زلزلے کے جھٹکے محسوس کیے گئے ہیں ۔
پنجاب، خیبرپختونخوا اور بلوچستان کے مختلف علاقوں میں 9 بج کر 47 اور 48 منٹ کے درمیان میں زلزلے کے شدید جھٹکے محسوس کیے گئے۔عالمی زلزلہ پیما مرکز کے مطابق شدت 6.8 شدت ریکارڈ کی گئی جبکہ مرکز افغانستان کوہ ہندو کش اور گہرائی 180 کلومیٹر تھی۔بھارتی میڈ یا رپورٹس کے مطابق بھارت میں ریکٹر سکیل پر 6.8شدت کا زلزلہ محسوس کیا گیا ہے ۔ اس کے علاوہ افغانستان ، چین، تاجکستان ، ازبکستان ، قازقستان اور کرغزستان میں بھی زلزلےکے جھٹکے محسوس کیے گئے ہیں ۔
پنجاب میں لاہور، گوجرانوالہ، گجرات، سیالکوٹ، کوٹ مومن، مڈھ رانجھا، چکوال، ہٹیاں بالا، کوٹ ادو، شجاع آباد، کلور کوٹ، کالا شاہ کاکو، واں بچھراں، ڈسکہ، اوچ شریف، دریا خان ، ڈی جی خان، کوٹ ادو، لودھراں اور دیگر شہروں میں زلزلے کے شدید جھٹکے محسوس کیے گئے۔
خیبر پختونخوا میں پشاور، کوہاٹ، صوابی، کرک، پارا چنار، ڈی آئی خان، مانسہرہ، ایبٹ آباد، سوات، گلگت بلتستان سمیت دیگر علاقوں میں بھی شہریوں نے زمین کی لرز کو محسوس کیا۔
