چیلسی نے مانسچٹر یونائیٹڈ کو ہرا کر ایف اے کپ جیت لیا

چیلسی نے مانسچٹر یونائیٹڈ کو ہرا کر ایف اے کپ جیت لیا

ویمبلے(آئی این پی)چیلسی نے مانچسٹر یونائیٹڈ کو1-0 سے ہرا کر ایف اے کپ جیت لیا، میچ کا واحد گول ایڈن ہیزرڈ نے اسکور کیا۔ویمبلے کے تاریخی اسٹیڈیم میں ہزاروں فینز کے سامنے ایف اے کپ فٹبال ایونٹ کا فائنل اسٹیج ہوا جس میں چیلسی اور مانچسٹر یونائیٹڈ کی آمنے سامنے تھیں۔میچ کے آغاز سے شائقین کو دونوں ٹیموں کی جانب سے اٹیکنگ کھیل دیکھنے کو ملا، تاہم دونوں ٹیموں کے درمیان فرق ایڈن ہیزرڈ ثابت ہوئے جنہوں نے کھیل کا واحد اور فیصلہ کن گول کھیل کے 22 ویں منٹ میں کیا ۔میچ کے آخری لمحات تک مانچسٹر یونائیٹڈ خسارہ پورا کرنے اور برتری لینے کی کوشش کرتی رہی لیکن چیلسی کے پلئیرز نے انہیں کوئی بھی موقع نہیں دیا اور یوں ایک صفر سے کامیابی حاصل کرتے ہوئے ایف اے کپ کا ٹائٹل اپنے نام کرلیا۔میچ ختم ہو جانے کے بعد چیلسی کی ٹیم نے اپنی کامیابی کا جشن بھرپور انداز میں منایا ۔

مزید : کھیل اور کھلاڑی