بھارتی الیکشن اور ایشوریہ رائے، بھارتی اداکار ویویک اوبروئے نے انتہائی شرمناک تصویر شیئر کروادی، ہنگامہ برپاہوگیا

بھارتی الیکشن اور ایشوریہ رائے، بھارتی اداکار ویویک اوبروئے نے انتہائی ...
بھارتی الیکشن اور ایشوریہ رائے، بھارتی اداکار ویویک اوبروئے نے انتہائی شرمناک تصویر شیئر کروادی، ہنگامہ برپاہوگیا

  

نئی دہلی(مانیٹرنگ ڈیسک) بھارت میں انتخابات کا موسم ہے، پولنگ ہو چکی ہے اور نتائج کا انتظار کیا جا رہا ہے۔ ایسے میں پورے ملک کا ماحول سیاسی ہے اور انٹرنیٹ پر بھی سیاسی لطیفے اور میمز عام ہو چکی ہیں۔ ایسے میں بالی ووڈ اداکار ویویک اوبروئے نے بھی ایک میم پوسٹ کی جس کے ذریعے اس نے موجودہ ملکی صورتحال کی عکاسی کرنے کی کوشش کی لیکن یہ میم ایسی گھٹیا اور اخلاق باختہ تھی کہ عام لوگ تو کیا بالی ووڈ کے سٹارز بھی اس پر بول پڑے اور ویویک اوبروئے کو کڑی تنقید کا نشانہ بناڈالا۔

ویویک نے جو میم پوسٹ کی وہ تین تصاویر پر مبنی تھی۔ پہلی تصویر میں ایشوریا رائے اور سلمان خان ہوتے ہیں، دوسری میں ایشوریا اور خود ویویک اور تیسری میں ایشوریا ، ان کے شوہر ابھیشک بچن اور بیٹی ارادھیا ہوتے ہیں۔ ایشوریا کا سلمان کے ساتھ معاشقہ رہا اور پھر ویویک سے اور بالآخر اس نے ابھیشک کے ساتھ شادی کر لی اور ماں بن گئی۔ اس میم کے ذریعے ویویک یہ بتانا چاہ رہے تھے کہ باقی چہرے بدلیں گے لیکن نریندرمودی بدستور وزیراعظم رہیں گے۔ نریندر مودی سے ویویک کی چاہ کی ایک وجہ یہ بھی ہے کہ اس نے حال ہی میں نریندر مودی کی زندگی پر بننے والی ایک فلم میں کام کیا ہے۔

ویویک اوبروئے کی اس گھٹیا میم پر سونم کپور نے لکھا کہ ”انتہائی گھٹیا اور شرمناک۔“ معروف بھارتی صحافی نیدھی رزدان نے کہا کہ ”کراہت آمیز، ویویک اوبروئے! اب ماضی کو بھول بھی جاﺅ۔“گوتا جوالہ نے لکھا کہ ”انتہائی احمقانہ ٹویٹ کی ہے ویویک نے۔“کملیش سوتر کا کہنا تھا کہ ”ویویک نے بہت گھٹیا چیز پوسٹ کی۔ اسے خواتین کی کچھ عزت کرنی چاہیے۔“ روہت جسوال نے ویویک کو مخاطب کرتے ہوئے لکھاکہ ”بھائی، تمام تر احترام کے ساتھ، یہ درست نہیں ہے۔ اسے ابھی ڈیلیٹ کرو۔میں ہمیشہ آپ کا حامی رہا ہوں لیکن یہ انتہائی گھٹیا حرکت ہے۔“

مزید : تفریح