میوہسپتال میں کورونا کا ایک اور کنفرم مریض دم توڑ گیا

میوہسپتال میں کورونا کا ایک اور کنفرم مریض دم توڑ گیا
میوہسپتال میں کورونا کا ایک اور کنفرم مریض دم توڑ گیا

  

لاہور(ڈیلی پاکستان آن لائن)میوہسپتال میں کورونا کا ایک اور کنفرم مریض دم توڑ گیا،جس کے بعدہسپتال میں کورونا سے جاں بحق افراد کی تعداد70 ہو گئی جبکہ ملک بھر میں وائرس سے مرنے والوں کی تعداد 1017 ہو گئی ہے۔

تفصیلات کے مطابق سی ای او میوہسپتال ڈاکٹر اسد اسلم نے کہاہے کہ میوہسپتال میں کورونا کا ایک اور کنفرم مریض دم توڑ گیا،میوہسپتال میں کورونا سے جاں بحق افراد کی تعداد70 ہو گئی ،سی ای اوڈاکٹر اسد اسلم نے کہاکہ میوہسپتال میں کورونا کے نئے 15 مریض بھی داخل ہوئے ہیں،ہسپتال میں 7 کنفرم کیسز اور8 مشتبہ مریض ہیں ۔

ادھر  ملک بھر میں کورونا کے تصدیق شدہ کیسز کی تعداد 48 ہزار 91 تک پہنچ گئی جبکہ ایک دن میں 32 افراد جاں بحق ہوگئے جس کے بعد اموات کی تعداد ایک ہزار 17 ہوگئی۔

نیشنل کمانڈ اینڈ آپریشن سینٹر کے تازہ ترین اعدادوشمار کے مطابق گذشتہ 24 گھنٹوں کے دوران 2193 نئے کیسز رپورٹ ہوئے، پنجاب میں 17 ہزار 382، سندھ میں 18 ہزار 964، خیبر پختونخوا میں 6 ہزار 815، بلوچستان میں 2 ہزار 968، گلگت بلتستان میں 579، اسلام آباد میں ایک ہزار 235 جبکہ آزاد کشمیر میں 148 کیسز رپورٹ ہوئے۔

ملک بھر میں اب تک 4 لاکھ 29 ہزار 600 افراد کے ٹیسٹ کئے گئے، گذشتہ 24 گھنٹوں کے دوران 15 ہزار 346 نئے ٹیسٹ کئے گئے، اب تک 14 ہزار 115 مریض صحتیاب ہوچکے ہیں جبکہ کئی مریضوں کی حالت تشویشناک ہے۔

پاکستان میں کورونا سے ایک دن میں 32 افراد جاں بحق ہوگئے جس کے بعد وائرس سے مرنے والوں کی تعداد ایک ہزار 17 ہوگئی۔ سندھ میں 316، پنجاب میں 297، خیبر پختونخوا میں 351، گلگت بلتستان میں 4، بلوچستان میں 38 اور اسلام آباد میں 10 مریض جان سے ہاتھ دھو بیٹھے۔ اب تک 462 ہسپتالوں میں قائم قرنطینہ مراکز مریضوں کا علاج جاری ہے، ان ہسپتالوں میں 7295 بیڈز کا بندوبست کیا گیا ہے۔

مزید :

علاقائی -پنجاب -لاہور -کورونا وائرس -