صدر عارف علوی ٹوپی اور ماسک پہن کر رس ملائی لینے پہنچ گئے، کوئی نہ پہچان سکا
اسلام آباد(ڈیلی پاکستان آن لائن) صدر ڈاکٹر عارف علوی اسلام آباد کی مقامی مٹھائی کی دکان میں ٹوپی اور ماسک پہنے رس ملائی لینے پہنچے جبکہ صدر مملکت سماجی فاصلے کی پاسداری اور اپنی باری کے انتظار میں آدھا گھنٹہ قطار میں لگے رہے۔
It was shocking for us to receive President of Pakistan Dr Arif Alvi as a customer.He was standing in que like Normal customer. Wish we knew he was Pakistan President Dr. Arif Alvi we would have served him special Ras Malai.@ArifAlvi pic.twitter.com/uuHsxz1Wze
— Jameel Sweets (@SweetsISB) May 17, 2020
سماجی رابطے کی ویب سائٹ ٹویٹر پر عارف علوی کے بیٹے عواب علوی نے کا کہنا تھا کہ ان کے والد جمعے کے روز بغیر کسی پروٹوکول کے رس ملائی لینے پہنچے تھے، جہاں انھیں عام شہری سمجھا گیا اور آس پاس کے لوگ پہچاننے سے قاصر رہے۔
بعد ازاں مقامی مٹھائی کی دکان نے اپنے سوشل میڈیا اکاؤنٹ پر سی سی ٹی وی فوٹیج شیئر کی جس میں دیکھا جاسکتا ہے کہ ایک ماسک میں چہرہ چھپائے ڈاکٹر عارف علوی رس ملائی کیلئے دکان میں داخل ہوتے ہیں اور لائن میں لگ جاتے ہیں۔ اس کے بعد وہ باری آنے پر آرڈر دیتے ہیں اور پیچھے جاکر ایک فاصلے پر کھڑے ہوجاتے ہیں تاکہ سیلزمین باقی گاہکوں کو ڈیل کر سکیں اور پھر اپنا سامان لے کر واپسی کی راہ لیتے ہیں۔