چینی انکوائری کمیشن رپورٹ وزیر اعظم کو پیش ، تہلکہ خیز انکشافات

چینی انکوائری کمیشن رپورٹ وزیر اعظم کو پیش ، تہلکہ خیز انکشافات
چینی انکوائری کمیشن رپورٹ وزیر اعظم کو پیش ، تہلکہ خیز انکشافات

  

اسلام آباد (ڈیلی پاکستان آن لائن) چینی بحران کی تحقیقات کرنے والے کمیشن کے سربراہ واجد ضیا نے انکوائری رپورٹ وزیر اعظم عمران خان کو پیش کردی۔

واجد ضیا نے معاون خصوصی برائے احتساب شہزاد اکبر کے ہمراہ وزیر اعظم عمران خان سے ملاقات کی اور انہیں 346 صفحات کی رپورٹ پیش کی۔ رپورٹ میں شوگر ملز مالکان کے بیانات بھی لگائے گئے ہیں۔ رپورٹ میں شوگر ملز مالکان پر ٹیکس چوری کا الزام لگایا گیا ہے۔

نجی ٹی وی جیو نیوز نے ذرائع کے حوالے سے دعویٰ کیا ہے کہ  رپورٹ میں شوگر ملز کی پیداوار اور فروخت کے حوالے سے بھی تفصیلات شامل ہیں جب کہ چینی کے بے نامی خریدواروں کا ذکر اور ای سی سی کے فیصلے سے متعلق امور بھی شامل ہیں۔ رپورٹ میں وفاقی حکومت کی جانب سے چینی برآمد کرنے کی اجازت کا ریکارڈ بھی شامل ہے۔ ذرائع کے مطابق فرانزک آڈٹ میں یہ بھی بتایا گیا ہےکہ چینی مافیا کی جانب سے سٹہ کیسےکھیلا گیا۔

مزید :

اہم خبریں -قومی -