وزیراعظم شہبازشریف نے پی این ایس بدر لانچ کردیا
کراچی (ویب ڈیسک) وزیراعظم شہبازشریف نے تیسرا 'MILGEM' کلاس جہاز پی این ایس بدر لانچ کردیا۔
وزیراعظم شہباز شریف جمعے کو ایک روزہ دورے پر کراچی پہنچے جہاں انہوں نےکراچی شپ یارڈ میں ملجم کلاس جہاز پی این ایس بدر کی لانچنگ تقریب میں شرکت کی۔
کراچی شپ یارڈ میں ہوئی تقریب سے خطاب میں وزیر اعظم نے کہا سی پیک منصوبہ علاقائی روابط کے فروغ کے لیے نہایت اہم ہے ، جلد پاکستان کی ترقی اور خوش حالی میں ترکی کا بڑا حصہ ہوگا۔
وزیراعظم شہبازشریف نے کہا ہے کہ پی این ایس بدر پاک ترک تعلقات کو نئی بلندیوں تک لے جانے کا آغازاور دونوں ممالک کے اشتراک کی بہترین مثال ہے۔ انہوں نے کہا کہ پاکستان اور ترکی ایک عوام اور دو ممالک ہیں۔
تقریب سے خطاب کرتے ہوئے وزیراعظم شہبار شریف نے کہا کہ پاکستان اور ترکی ایک قوم ہیں جو دو مختلف ملکوں میں رہتی ہے، کورونا کی وبا کے دوران جہاز کی تیاری دونوں ملکوں کی بڑی کامیابی ہے۔
Relationship between Pakistan ???????? and Turkey ???????? is reaching new heights and both countries will continue to cooperate with each other in diverse fields: PM @CMShehbaz https://t.co/tg3Etx2CgV pic.twitter.com/EvtmVwlGRZ
— Radio Pakistan (@RadioPakistan) May 20, 2022
تقریب میں ترکی کے وزیر دفاع ، پاک بحریہ کے زربراہ ایڈمرل محمد امجد خان نیازی اور دیگر اعلیٰ حکام نے شرکت کی۔
واضح رہے کہ پاک بحریہ کے لیے چار ملجم کلاس جہازوں کی تعمیر کا معاہدہ ستمبر 2018 میں پاکستان نیوی اور ایم ایس اسفات ترکی کے مابین طے پایا تھا۔ پاکستانی اور ترکی کے اشتراک سے دو "corvette" کورویٹ جہازوں کی پاکستان اور دو کی ترکی میں تعمیر کی جارہی ہے ، جہاز جدید ہتھیاروں اور سینسرز سے لیس ہوں گے ۔
MILGEM-class corvette ship PNS Badar is a sign of growing cooperation between Pakistan and Turkey: Prime Minister Shehbaz Sharif https://t.co/tg3Etx2CgV#PNSBadar #PakNavy @PakistanNavy @dgprPaknavy @PakPMO @CMShehbaz @PMShehbazVisitsKarachi pic.twitter.com/0SrZ8bsInz
— Radio Pakistan (@RadioPakistan) May 20, 2022