سعد حریری آج مصر کے دورہ پر قاہرہ پہنچیں گے،کل وطن واپس روانہ ہوں گے

سعد حریری آج مصر کے دورہ پر قاہرہ پہنچیں گے،کل وطن واپس روانہ ہوں گے

بیروت (این این آئی)لبنان کے مستعفی وزیراعظم سعد حریری منگل کے روز مصر کا دورہ کریں گے جہاں وہ مصری صدر عبدالفتاح السیسی سے ملاقات کریں گے۔عرب ٹی وی کے مطابق ٹوئٹر پراپنے ایک بیان میں انہوں نے بتایا کہ میں منگل کے روز قاہرہ جاؤں گا جہاں اپنے دوست جمہوریہ مصر کے صدر عبدالفتاح السیسی سے ملاقات کروں گاجس کے بعد کل (بدھ کو)وطن واپس لوٹ جاؤں گا،خیال رہے کہ سعد حریری ہفتے کی صبح سعودی عرب سے فرانس پہنچے تھے جہاں انہوں نے فرانسیسی صدر عمانویل میکروں سے ملاقات کی۔

ان کا کہنا ہے کہ وہ بدھ کو وطن واپس لوٹیں گے۔

مزید : عالمی منظر