کیا واقعی کیپٹن صفدر نے دوسری شادی کرلی ؟سوشل میڈیا پر ہنگامے کے بعد سابق وزیراعظم کے داماد نے واضح اعلان کردیا
لاہور (ڈیلی پاکستان آن لائن )گزشتہ روز سے سوشل میڈیا پر ایک خاتون کی ویڈیو گردش کر رہی ہے جس کے حوالے سے افواہ زور پکڑے ہوئے کہ سابق وزیراعظم نوازشریف کے داماد اور مریم نواز کے شوہر کیپٹن(ر) صفدر نے مبینہ طور پر دوسری شادی کر لی ہے تاہم اب ان افواہوں پر وہ خود میدان میں آ گئے ہیں اور تردید جاری کرتے ہوئے بڑا اعلان کر دیا ہے ۔
تفصیلات کے مطابق کیپٹن(ر) صفد ر کے ترجمان نے بیان جاری کرتے ہوئے کہاہے کہ کیپٹن صفدر نے دوسری شادی نہیں کی ہے اور اس سے متعلق چلنے والی تمام تر افواہیں بے بنیاد اور من گھڑت ہیں ۔ترجمان کا کہناتھا کہ کیپٹن(ر) صفدر ان جھوٹے الزامات کے خلاف قانونی کارروائی کا حق محفوظ رکھتے ہیں ۔انہوں نے الزامات لگانے والوں کو چیلنج کرتے ہوئے کہا کہ جھوٹی خبریں پھیلانے والے اگر خود کو سچا مانتے ہیں تو وہ آئیں اور حلف دے کر کہیں کہ کیپٹن صفدر نے دوسری شادی کی ہے ۔