بچوں کو بہتر تعلیم اور علاج کی سہولتیں فراہم کرنا ریاست کی ذمے داری:بلاول بھٹو

بچوں کو بہتر تعلیم اور علاج کی سہولتیں فراہم کرنا ریاست کی ذمے داری:بلاول ...

  



اسلام آباد(سٹاف رپورٹر) پاکستان پیپلز پارٹی کے چیئرمین بلاول بھٹو زرداری نے کہا ہے کہ بچوں کو بہتر تعلیم و علاج کی سہولتیں دینا ریاست کی ذمے داری ہے، پاکستانی بچے بہت سی سہولتوں سے محروم ہیں۔بلاول بھٹو زرداری نے بچوں کے عالمی دن کے موقع پر اپنے پیغام میں کہا کہ انسانوں کا سب سے قیمتی اثاثہ بچے ہوتے ہیں، پاکستانی بچے بہت سی سہولتوں سے محروم ہیں، بہبود اطفال پیپلز پارٹی کی اولین ترجیحات میں شامل رہے گی۔اس سے قبل ایک موقع پر انہوں نے کہا کہ ہر جیالے کا یہ کام ہے کہ وہ عام آدمی کے معیار زندگی کی بہتری کے لیے کام کرے۔انہوں نے کہا کہ جب تک آزاد جمہوریت نہیں ہوگی تو مسائل کا حل کیسے ممکن ہوگا، اسمبلیوں میں عوامی نمائندے نہیں ہوں گے تو مسائل کیسے حل ہوں گے۔انہوں نے کہاکہ شہید ذوالفقار علی بھٹو نے اس ملک کو آئین دیا ہے، ان کو اپنے ہی ملک کی عدالتوں نے تختہ دار پر لٹکا دیا، شہید بینظیر بھٹو کو بھی انصاف نہ ملے تو عام آدمی کہاں جائے گا۔

بلاول بھٹو

مزید : صفحہ اول