کراچی: ناظم آبادمیں کار کی ٹکر، رکشہ ڈرائیور جاں بحق

  کراچی: ناظم آبادمیں کار کی ٹکر، رکشہ ڈرائیور جاں بحق

  



کراچی (کرائم رپورٹر)کراچی میں ناظم آباد کے علاقے میں ٹریفک حادثہ پیش آیا ہے جس کے نتیجے میں ایک شخص جاں بحق ہو گیا۔تفصیلات کے مطابق ناظم آباد کے علاقے میں واقع انو بھائی پارک کے قریب کار اور رکشہ میں تصادم ہو گیا۔حادثے کے نتیجے میں رکشہ ڈرائیور جاں بحق ہو گیا تاہم کار کا ڈرائیور معمولی زخمی ہوا ہے۔جاں بحق رکشہ ڈرائیور کی شناخت 60 سالہ محمد اکرم کے نام سے ہوئی ہے،جس کی لاش اور زخمی کو اسپتال منتقل کیا گیا ہے جہاں زخمی کار ڈرائیور کو طبی امداد دی گئی۔حادثے کے نتیجے میں رکشہ مکمل طور پر تباہ ہو گیا ہے جبکہ کار کو بھی نقصان پہنچا ہے۔

مزید : صفحہ آخر