آزادی مارچ، انصارالاسلام کے چیف نے معافی مانگ لی

آزادی مارچ، انصارالاسلام کے چیف نے معافی مانگ لی
آزادی مارچ، انصارالاسلام کے چیف نے معافی مانگ لی

  



اسلام آباد(ویب ڈیسک) وفاقی دارالحکومت اسلام آباد میں جمیعت علمائے اسلام ( جے یو آئی ) کے دھرنے میں شریک ہونے والے انصار الاسلام کے چیف اور سرکاری  سکول ٹیچرافسر محمد نے ایجوکیشن افسر سے معافی مانگ لی۔

ہم نیوز کے مطابق افسر محمد نے چھٹی کے دوران اسلام آباد دھرنے میں شرکت پر معافی مانگتے ہوئے ایجوکیشن افسرضلع کرم کو تحریری وضاحت ارسال کر دی ہے۔وضاحتی مراسلے کے متن میں انہوں نے لکھا ہے کہ 4 ماہ کی چھٹی لی تھی جن کی منسوخی پراسکول میں حاضری دے دی تھی۔انہوں نے معافی مانگتے ہوئے لکھا کہ غلطی ہوگئی ہے، معافی چاہتا ہوں ،آئندہ ایسا نہیں کروں گا۔

واضح رہے افسر خان گورنمنٹ ہائی سکول ضلع کرم میں اسلامیات کا ٹیچر ہے۔ دھرنے میں شریک ہونے کے حوالے سے مشیر تعلیم خیبرپختونخوا نے نوٹس لیتے ہوئے ان کی چھٹی منسوخ کر دی تھی اور انہیں اسکول رپورٹ کرنے کی ہدایت کی تھی۔مشیر تعلیم خیبر پختونخوا ضیا اللہ بنگش کا کہنا تھا کہ استاد بچوں کی تعلیم پر توجہ دینے کے بجائے سیاسی پارٹی کی ڈنڈا بردار فورس کا چیف بنا ہے۔انہوں نے کہا کہ سکول رپورٹ نہ کرنے کی صورت میں افسر خان کو نوکری سے فارغ کیا جائے گا،تمام ڈسٹرکٹ ایجوکیشن افسران اپنے اضلاع میں اساتذہ کو سیاسی سرگرمیوں سے دور رکھیں۔

مزید : علاقائی /اسلام آباد