تحریک انصاف کو فارن فنڈنگ کیس سے کیوں گھبراناچاہئے ؟ مظہر عباس نے بتادیا

تحریک انصاف کو فارن فنڈنگ کیس سے کیوں گھبراناچاہئے ؟ مظہر عباس نے بتادیا
تحریک انصاف کو فارن فنڈنگ کیس سے کیوں گھبراناچاہئے ؟ مظہر عباس نے بتادیا

  



اسلام آباد (ڈیلی پاکستان آن لائن)تجزیہ کار مظہر عباس نے کہاہے کہ تحریک انصاف کو فارن فنڈنگ کیس سے تھوڑا گھبرانا چاہئے ، فارن فنڈنگ کیس میں مسائل ہیں ، اس میں بد دیانتی اور منی لانڈرنگ نہیں لیکن بد انتظامی موجود ہے ۔

جیونیوز کے پروگرام ”رپورٹ کارڈ“میں گفتگوکرتے ہوئے مظہر عباس نے کہا کہ تحریک انصاف کو فارن فنڈنگ کیس سے تھوڑا گھبرانا چاہئے ، فارن فنڈنگ کیس میں مسائل ہیں ، اس میں بد دیانتی اور منی لانڈرنگ نہیں لیکن بد انتظامی موجود ہے ۔ انہوں نے کہا کہ یہ اس وقت کی بات ہے جب تحریک انصاف کو اوپر جاتے ہوئے دیکھا جارہا تھا ، اس لئے باہر سے بڑی فنڈنگ آئی ۔ انہوں نے کہا کہ اس کیس میں صدر عارف علوی کوبلانا پڑے گا ۔ وہ اس وقت تحریک انصاف کے سیکرٹری جنرل تھے ۔ الیکشن کمیشن اگر عارف علوی کونہیں بھی بلاتا تو اس کو صدر کا بیان ضرور لینا چاہئے کیونکہ اس وقت تمام چیزو ں کووہ دیکھ رہے تھے ۔ اس لئے الیکشن کمیشن کو ان کا بیان ضرور لینا چاہئے کیونکہ ان کا بیان بہت اہم ہے ۔ تحریک انصاف کواس کیس سے نکلنا چاہئے جتنی دیر کی جائے گی ، اتنے ہی زیادہ الزامات لگیں گے ۔

مزید : علاقائی /اسلام آباد