جنگ بندی معاہدہ، آرمینیا نے ضلع اغدام خالی کردیا، وزیر دفاع مستعفی، آذربائیجان میں جشن

جنگ بندی معاہدہ، آرمینیا نے ضلع اغدام خالی کردیا، وزیر دفاع مستعفی، ...

  

 باکو (مانیٹرنگ ڈیسک، نیوز ایجنسیاں) آرمینیا نے جنگ بندی معاہدے کے تحت ضلع اغدام کا قبضہ چھوڑ دیا۔ آذربائیجان کی افواج وادی میں داخل ہو گئیں۔ آذربائیجان کے شہریوں کا جشن، اونچے مقام پر جھنڈا لہرا دیا گیا۔ دوسری جانب آرمینیا کے وزیر خارجہ کے بعد وزیر دفاع بھی مستعفی ہو گئے۔تفصیل کے مطابق ا?رمینیا نے جنگ بندی معاہدے کے تحت ضلع اغدام کو آذربائیجان کے حوالے کر دیا ہے۔ آزری فورسز کانوائے کی صورت میں وادی میں داخل ہوئیں تو شہریوں نے قومی پرچم لہرا کر فوجیوں کا استقبال کیا۔27 سال بعد ضلع اغدام کا کنٹرول دوبارہ حاصل کرنے پر آذربائیجان میں ہر طرف جشن کا سماں ہے۔ شہریوں نے وادی کے ایک اونچے مقام پر آذربائیجان کا جھنڈا لہرا دیا۔دوسری جانب آرمینیا کے وزیر خارجہ کے بعد وزیر دفاع نے بھی عہدے سے استعفیٰ دے دیا ہے جبکہ اپوزیشن کی جانب سے وزیراعظم سے مستعفی ہونے کا مطالبہ زور پکڑ رہا ہے۔

آرمینیا

مزید :

صفحہ اول -