پولیس کا احتجاج، کھانے میں چکن‘ناشتے میں چنے، پراٹھوں کا اہتمام
لاہور،راولپنڈی(این این آئی، این این آئی)لانگ مارچ کی سکیورٹی کے لیے بلائی گئی پنجاب پولیس کا ناقص کھانا کھلانے پر احتجاج رنگ لے آیا۔پنجاب پولیس کے ترجمان کے مطابق اہلکاروں کے لئے کھانے میں چکن اور ناشتے میں پراٹھوں کے ساتھ چنے کا اہتمام کیا گیا۔پولیس ترجمان کا کہنا ہے کہ سی پی او کی ہدایت پر سینئر افسران خود کھانے کو چیک کر رہے ہیں کھانے کے معیار کے ساتھ رہائش کی سہولتوں کو بھی بہتر کیا جارہا ہے۔رپورٹس کے مطابق پنجاب کے مختلف اضلاع سے پنجاب پولیس کو راولپنڈی بلا کر ہوٹلز اور شادی ہالز میں ٹھہرایا گیا ہے۔
پولیس احتجاج
