کاشتکا ر زہر پاشی کو موثر بنانے پر توجہ دیں، محکمہ زراعت
قصور۔ (اے پی پی)محکمہ زراعت قصور کے ترجمان نے کاشتکاروں کے لیے زہرپاشی کوموثربنانیبارے یخصوصی ہدایات جاری کر دیں۔انہوں نیاے پی پی کو بتایا کہ ماہرین کی رائے کومدنظررکھے بغیر سپرے کرنے سے کرم کش ادویات کا 50فیصد حصہ ضائع ہوجاتاہے جبکہ زہرپاشی صحیح آلات اور صحیح طریقوں سے نہ کرنے سے کسان کو بھاری نقصان پہنچ سکتاہے۔
لہذاکاشتکار ہاتھ یا انجن کی طاقت سے چلنے والے نیپ سک سپریئرکو اس طرح استعمال کریں کہ فصل کے اوپر اوراطراف سے دوائی موثر طریقہ سے پتوں تک پہنچ سکے۔ انہوں نے کہا کہ ڈنڈی یعنی لانس پرنوزل تقریبا 45 درجہ کے زاویہ پر لگائیں اور ایک وقت میں صرف ایک قطارپر سپرے کریں۔ انہوں نے کہا کہ کاشتکار کرم کش ادویات کے سپرے کیلئے بالاکون نوز ل او ر جڑی بوٹی کے اگاسے پہلے ختم کرنے کیلئے فلڈ جیٹ اورجڑی بوٹیوں کو اگاکے بعد ختم کرنے کیلئے فلیٹ فین نوزل استعمال کریں۔
