بہاولپور میں دولہا سے تلخ کلامی، لڑکی والوں نے موقع پر موجود دوسرے لڑکے سے بیٹی کی شادی کرادی
بہاولپور (ویب ڈیسک)بہاولپور میں شادی کی تقریب کے دوران انتہائی حیران کن واقعہ پیش آیا ، باراتیوں اور دلہا کے ساتھ تلخ کلامی اور اختلافات ہونے پر لڑکی کے والدین نے تقریب میں ہی موجود ایک اور نوجوان سے بیٹی کا نکاح کر کے رخصت کر دیا اور بارات لایا دولہا منہ دیکھتا رہ گیا۔
نجی ٹی وی جیو نیوز کے مطابق دولہے نے الزام عائد کیا کہ لڑکی والوں نے غیر رجسٹرڈ نکاح کرانےکی خواہش کی لیکن ان کی غیر رجسٹرڈ نکاح کی شرط ہم نے نہیں مانی۔ان کا کہنا تھاکہ لڑکی والوں نے مارپیٹ کرکے ہمیں شادی ہال سے نکال دیا اور شادی میں شریک ایک لڑکے سے نکاح کراکر لڑکی کو رخصت کردیا۔پولیس کا کہنا ہے کہ واقعے کی تحقیقات شروع کردی گئی ہے۔
