یو ایم ٹی میں بچوں کے عالمی دن پر پاکستانی فلم گنجل کی پری لانچنگ

لاہور (لیڈی رپورٹر ) یونیورسٹی آف مینجمنٹ اینڈ ٹیکنالوجی (یو ایم ٹی) میں بچوں کے عالمی دن پر چائلڈ لیبر پر بنائی گئی پاکستانی فلم گنجل کی پری لانچنگ تقریب کا اہتمام کیا گیا۔یہ تقریب یو ایم ٹی، SSDO، چائلڈ پروٹیکشن اینڈ ویلفیئر بیورو اور کیٹ واک کے باہمی اشتراک سے منعقد کی گئی۔تقریب میں ڈی جی یو ایم ٹی پروفیسر عابد شیروانی،ڈین سکول آف میڈیا اینڈ کمیونیکیشن ڈاکٹر انجم ضیا، پاکستانی نامور آرٹس احمد علی اکبر، ریشم،سید کوثر عباس، فیشن آرٹسٹ فریحہ الطاف، چیئر پرسن چائلڈ پروٹیکشن ا ینڈ ویلفیئر بیورو سارہ احمد اور، میڈیا نمائندگان، پولیس ڈپارٹمنٹ سمیت فلم گنجل کی کاسٹ نے شرکت کی۔ ڈاکٹر انجم نے بتایا کہ چائلڈ لیبر اور چائلڈ ٹریفیکنگ بہت سنگین ایشو ہیں جن کو حل کرنے کیلئے ہمیں اقدامات کرنے ہونگے۔۔چیئر پرسن چائلڈ پروٹیکشن اینڈ فیلفیئر بیورو سارہ احمد نے بتایا کہ ہماری بیورو کا مقصد ہی چائلڈ لیبر کو ختم کرکے بچوں کو تعلیم کی فراہمی یقینی بنائی جائے۔ اداکارہ ریشم اور اداکار احمد علی اکبر نے شرکاء سے کہا کہ اس فلم میں چائلڈ لیبر جیسے اہم اشو پر روشنی ڈالنے کے ساتھ ساتھ ایکشن اور تھرل بھی شامل ہے۔