سی پیک کے مخالف ممالک نہیں چاہتے پاکستان ترقی کرے ، چینی تھنک ٹینک 

اسلام آباد (این این آئی)چینی تھنک ٹینک سینٹر فار چائنا اینڈ گلوبلائزیشن کے نائب صدر مسٹر وکٹر گاو_¿ نے کہا ہے کہ دنیا میں کچھ طاقتیں چین اور پاکستان کی بڑھتی دوستی نہیں دیکھنا چاہتیں۔نجی ٹی وی کو دیئے گئے انٹرویو وکٹر گاو_¿ نے کہاکہ پاک چین دوستی کے مخالف نہیں چاہتے کہ پاکستان بہتر رابطوں کے منصوبوں سے جڑے، وہ یہ بھی نہیں چاہتے کہ پاکستان معاشی طور پر مضبوط ہو اور یہاں معاشی ترقی کیلئے کوآرڈینیشن ہو۔انہوںنے کہاکہ ملکوں کے نام نہیں لینا چاہتا تاہم سی پیک کی مخالفت کرنے والے ممالک کی فہرست بڑی واضح ہے، آپ کے پڑوسی بیلٹ اینڈ روڈ منصوبے کا حصہ نہیں، وہ بضد ہیں کہ بی آر آئی منصوبہ وہاں سے گزرے جہاں کے وہ دعویدار ہیں لیکن چین اور پاکستان اس بات سے متفق نہیں ہیں۔نائب صدر چینی تھنک ٹینک سینٹر فار چائنا اینڈ گلوبلائزیشن نے کہاکہ چین اور پاکستان ایک پیج پر ہیں، ہم اسے اکٹھے کرنا چاہتے ہیں اور چاہتے ہیں کہ اس کے زیادہ سے زیادہ فوائد حاصل ہوں۔وکٹر گاو_¿ نے کہاکہ پاکستانی عوام، حکومت اور فوج کا شکریہ ادا کرتا ہوں کہ پاکستان نے چینی ورکرز، انجینئرز، اساتذہ اور سرکاری حکام کی سکیورٹی کیلئے ہر ممکن تعاون کیا، دنیا کے کسی بھی حصے میں کچھ ہو اس کی خبر چین میں جنگل کی آگ کی طرح پھیلتی ہے۔انہوںنے کہاکہ چین اور پاکستان کو جدید راہیں اختیار کرنا ہوں گی، ہمیں چینی اور پاکستانی ورکرز کے تحفظ کیلئے آرٹیفیشل انٹیلیجنس کو استعمال کرنا ہو گا۔ایک سوال کے جواب میں چینی تھنک ٹینک کے نائب صدر کا کہنا تھا پاکستانی عوام اپنے طریقہ کار کے تحت جس بھی رہنما کو منتخب کریں چین اس کا احترام کرتا ہے۔

چینی تھنک ٹینک