کسی بھی محکمے کے شہید کو پولیس کے برابر امدادی پیکیج دینے کی منظوری 

  کسی بھی محکمے کے شہید کو پولیس کے برابر امدادی پیکیج دینے کی منظوری 

  IOS Dailypakistan app Android Dailypakistan app

                                                                        لاہور(جنرل رپورٹر)کسی بھی سرکاری محکمے کے ڈیوٹی کے دوران شہید ہونیوالے افسر یا ملازم کے لواحقین کو پولیس شہداء پیکیج کے برابر امدادی پیکیج دیاجائے گا۔وزیراعلیٰ پنجاب محسن نقوی نے سرکاری محکمو ں کے شہیدہونے والے ملازمین کے لواحقین کیلئے پولیس شہداء پیکیج کے برابر امدادی پیکیج دینے کی اصولی منظوری دے دی۔زخمی سرکاری ملازم کو بھی پولیس پیکیج کے برابر امدادی پیکیج دیا جائے گا۔وزیراعلیٰ محسن نقوی کی اس ضمن میں ایڈیشنل چیف سیکرٹری کی سربراہی میں کمیٹی تشکیل دینے کی ہدایت کی۔کمیٹی حتمی سفارشات تیار کرے گی اور کیسز کا جائزہ لے گی۔ وزیر اعلیٰ محسن نقوی کی زیر صدارت کابینہ سٹینڈنگ کمیٹی برائے فنانس اینڈ ڈویلپمنٹ کا13واں اجلاس منعقد ہوا جس میں دوران ڈیوٹی شہید ہونے والے ایکسائز انسپکٹر محمد رفیع کے لواحقین اور زخمی انسپکٹر ثناء اللہ بھٹی کیلئے مالی امداد کا کیس پیش کیاگیا۔وزیراعلیٰ محسن نقوی نے مالی امداد کے کیس پر فوری نظر ثانی کا حکم دیا اور امدادی پیکیج کو پولیس شہداء پیکیج کے برابر کرنے کی ہدایت کی۔وزیراعلیٰ نے محکمہ ایکسائز کے شہید انسپکٹرمحمد رفیع کے لواحقین اور زخمی ایکسائز انسپکٹر ثناء اللہ بھٹی کیلئے پولیس پیکیج کے برابر پیکیج کی منظوری دی، محسن نقوی نے زیر تعمیربند روڈ کنٹرولڈ ایکسس کوریڈورپراجیکٹ کا دورہ کیا اور منصوبے کی سائٹ پر جاری ترقیاتی کاموں کا معائنہ کیا اور میگا پراجیکٹ پر پیش رفت کا جائزہ لیا۔وزیر اعلی محسن نقوی نے پراجیکٹ کے پیکیج ون کے کوریڈور کے اطراف دیواروں کی تعمیر کے کام کامشاہدہ کیا۔وزیر اعلی محسن نقوی نے پیکیج 2 کے کوریڈور کی دیواروں کا کام تیز کرنے کے حوالے سے  پیکیج 2 کے کنٹریکٹر کو ہدایات دیں۔وزیر اعلیٰ محسن نقوی نے کہا کہ تعمیراتی کاموں میں تیزی  لائی جائے اور مقررہ مدت میں کام کو مکمل کیا جائے۔ انہوں نے کہا کہ پراجیکٹ کی تکمیل سے لاہور کے کسی بھی علاقے سے موٹر وے تک فوری رسائی ممکن ہوگی۔کنٹرولڈ ایکسس کوریڈورکی وجہ سے وقت اور ایندھن کی مد میں کروڑوں روپے کی بچت ہو گی۔کمشنر لاہورڈویڑن و ڈی جی ایل ڈی اے محمد علی رندھاوا اورکنٹریکٹر زنے وزیراعلیٰ محسن نقوی کو پراجیکٹ پر ہونے والی پیش رفت کے بارے میں بریفنگ دیتے ہوئے بتایا کہ7.3کلومیٹر طویل کنٹرولڈ ایکسس کوریڈور بند روڈ پراجیکٹ کی تعمیر 4ماہ میں مکمل کرنے کیلئے دن رات کام ہورہاہے۔ محسن نقوی سے وزیراعلیٰ آفس میں آسٹریلیا کے ہائی کمشنر نیل ہاکنز نے ملاقات کی۔ وزیراعلیٰ محسن نقوی نے 6ویں مرتبہ ورلڈ کپ جیتنے پر آسٹریلوی ہائی کمشنر اور عوام کو مبارکباد دی۔ آسٹریلوی ہائی کمشنر نے وزیر اعلیٰ محسن نقوی کو آسٹریلوی کپتان پیٹ کمنز اور مارک ٹیلر کے دستخط والی کرکٹ بال پیش کی۔آسٹریلوی ہائی کمشنر نے اس موقع پر گفتگو کرتے ہوئے کہاکہ محسن نقوی مستعد اور متحرک وزیر اعلیٰ ہیں، میڈیا پر دن رات کام کرتے نظر آتے ہیں۔ محسن نقوی کو پارکس کا وزٹ کرتے دیکھ کر خوشی ہوئی،وزیر اعلیٰ محسن نقوی بہت محنت کررہے ہیں۔ لاہور چڑیاگھر، سفاری پارک اور باغات کی اپ گریڈیشن خوش آئند ہے۔ پنجاب کے ساتھ مختلف شعبوں میں تعاون کو فروغ دینے کیلئے اقدامات جاری رکھیں گے۔آسٹریلوی ہائی کمشنر نے لاہور چڑیا گھر کے لئے کنگروز دینے کے لئے اقدامات کی یقین دہانی کرائی۔وزیراعلیٰ محسن نقوی نے اس موقع پر گفتگو کرتے ہوئے کہاکہ سموگ سے نمٹنے کے لئے تمام تر اقدامات کر رہے ہیں۔

محسن نقوی

مزید :

صفحہ اول -