سیاسی جماعتوں کو لیول پلینگ فیلڈ نہیں مل رہی، قمر زمان کائرہ

 اسلام آ باد (آئی این پی ) پیپلز پارٹی کے رہنما قمر زمان کائرہ نے کہا ہے کہ سیاسی جماعتوں کو انتخابات کیلئے لیول پلینگ فیلڈ نہیں مل رہی الیکشن کمیشن میں میڈیا سے گفتگو کرتے ہوئے قمر زمان کائرہ کا کہنا تھا کہ جنوری کے آخری ہفتے میں انتخابات ہوتے تو زیادہ بہتر ہوتا تاہم اب عام انتخابات 8 فروری سے آگے نہیں جانے چاہئیں پُرامن‘صاف شفاف الیکشن کیلئے دعا گو ہوں سیاسی جماعتوں کو انتخابات کیلئے لیول پلینگ فیلڈ نہیں مل رہی اور صرف ایک سیاسی جماعت کی بھر پور حمایت کی جا رہی ہے مسلم لیگ(ن)اور پیپلز پارٹی کی قیادت آج بھی رابطے میں ہے اور دونوں کو اتحادی حکومت کے تناظر میں دیکھا جا رہا ہے۔

قمر زمان کائرہ