دنیا بتائے کیا کشمیری ، فلسطینی بچوں کا قبرستان کے علاوہ کوئی حق نہیں ؟ : مشعال ملک 

 اسلام آباد (این این آئی)وزیر اعظم کی معاون برائے انسانی حقوق مشعال حسین ملک نے کہا ہے کہ بچوںکے عالمی دن کے موقع پر ہم جہاں بچوں کی تعلیم، تحفظ اور بہتر مستقبل پر بات کرتے ہیں وہیں ان کشمیری و فلسطینی بچوں کو بھی دیکھنا چاہیے جن کے صرف قبرستان بنتے جارہے ہیں عالمی برادری سے پوچھنا چاہتے ہیں کہ کیا کشمیری و فلسطینی بچوں کا قبرستان کے علاوہ کوئی حق نہیں، بچوں کے عالمی دن کے موقع پر جاری ایک ویڈیو پیغام میں مشعال حسین ملک نے کہاکہ چالیس دنوں میں اسرائیلی فورسز نے پانچ ہزار سے زائد فلسطینی بچے شہید کردئیے جبکہ 1800سے زائد فلسطینی بچوں کی نعشیں تباہ شدہ بلڈنگز کے ملبے میں پھنسی ہوئی ہیں، غزہ میں پچاس فیصد سے زائد آبادی بچوں کی ہے جنھیں جنگی حالات کا سامنا ہے 50 ہزار سے زائد فلسطینی حاملہ مائیں ہیں اور ان بچوں کی زندگیاں بھی خطرے سے دوچار ہیں بھارت کے غیرقانونی زیرتسلط جموں و کشمیر میں اب تک لاکھوں کی تعداد میں کشمیری بچے بھارتی فورسز کے ہاتھوں شہید ہوچکے ہیں جبکہ لاکھوں بچے یتیم ہوچکے ہیں ان سب کا کیا قصور ہے کیا ہمارے بچوں کا کوئی حق نہیں ہے،کیا ہمارے بچوں کو زندہ رہنے کا حق نہیں،بچوں کے خلاف جنگی جرائم کا ارتکاب کب ختم ہوگا بھارت کے غیر قانونی زیر تسلط جموں و کشمیر میں ہمارے بڑوں کو جیلوں میں بند کردیا گیا یا شہید کردیا گیا،ہم کب اس احساس کےساتھ یہ عالمی دن منا سکیں گے کہ ہمارے بچوں کو بھی زندہ رہنے کا حق حاصل ہے۔

مشعال ملک