احمد شہزاد اب میرے آئیڈیل نہیں رہے:صاحبزادہ فرحان

لاہور(سپورٹس رپورٹر)آسڑیلیا کے خلاف ٹی 20ٹیم میں شامل اوپننگ بیٹسمین صاحبزادہ فرحان کا کہنا ہے کہ جب انہوں نے کرکٹ شروع کی تو احمد شہزاد ان کے فیورٹ کھلاڑی تھے،لیکن اب ایسا نہیں ہے۔دائیں ہاتھ سے کھیلنے والے چارسدہ کے 22سالہ صاحبزادہ فرحان اب جنوبی افریقہ کے ہاشم آملہ کو اپنا آئیڈیل کرکٹ مانتے ہیں۔صاحبزادہ فرحان پاکستان سپر لیگ میں اسلام آباد یونائیٹڈ کی نمائندگی کرتے ہیں اور دوسری مرتبہ قومی ٹیم میں انہیں شامل کیا گیا ہے۔اس سے قبل جولائی میں انہوں نے زمبابوے کے شہر ہرارے میں تین ملکی ٹی 20ٹورنامنٹ کے فائنل میں آسڑیلیا کے خلاف اپنا پہلا میچ کھیلا تھا اور پہلی ہی گیند پر اسٹمپ ہو گئے تھے۔صاحبزادہ فرحان کا کہنا ہے کہ وہ پاکستان کے لئے لمبی کرکٹ کھیلنا چاہتے ہیں اور سلیکٹرز کے شکر گزار ہیں کہ انہوں نے قومی اسکواڈ میں انہیں جگہ دی۔