آسڑیلوی کپتان نے بھی محمد عباس کو ورلڈ کلاس باؤلر قرار دیدیا

آسڑیلوی کپتان نے بھی محمد عباس کو ورلڈ کلاس باؤلر قرار دیدیا
آسڑیلوی کپتان نے بھی محمد عباس کو ورلڈ کلاس باؤلر قرار دیدیا

  

ابو ظہبی(سپورٹس ڈیسک)آسٹریلوی ٹیسٹ ٹیم کے کپتان ٹیم پین نے پاکستانی فاسٹ بولر محمد عباس کو ورلڈ کلاس بولر قرار دیدیا۔آسڑیلیا کے خلاف دو ٹیسٹ کی سیریز میں محمد عباس نے چار اننگز میں 17 وکٹیں لے کر کینگروز کی بیٹنگ لائن اپ کی کمر توڑ دی۔سابق انگلش بلے باز مائیکل وان اور سابق ساؤتھ افریقن کپتان اے بی ڈی ویلیئرز نے بھی محمد عباس کی کارکردگی کی تعریف کی۔عباس کی غیر معمولی بولنگ کے دنیا بھر میں چرچے ہیں اور اب آسڑیلوی ٹیم کے قائد ٹم پین بھی ان کی تعریف کیے بغیر نہ رہ سکے۔تسمانیہ سے تعلق رکھنے والے ٹم پین کا کہنا ہے کہ محمد عباس نے بہت متاثر کیا، یاسر شاہ نے بھی عمدہ بولنگ کی لیکن عباس کی جتنی تعریف کی جائے کم ہے۔ٹم پین نے کہا عباس کی کامیابی کا بڑا راز اْن کی لائن اور لینتھ ہے، وہ ایک ایسا فاسٹ بولر ہے جو وکٹوں کے درمیان گیند کروا کر وکٹ حاصل کرنے میں کامیاب رہے ہیں۔عثمان خواجہ کے سوال پر آسڑیلوی قائد کا کہنا تھا کہ چار سے پانچ ہفتے بائیں ہاتھ کے بیٹس مین کی کرکٹ کے میدان میں حاضری ممکن نہیں لگتی۔

مزید :

کھیل اور کھلاڑی -