پی جی ٹی ایس ملازمین کوپنشن  کاحق دیاجائے‘ جنان ماما

    پی جی ٹی ایس ملازمین کوپنشن  کاحق دیاجائے‘ جنان ماما

  



سرائے نورنگ(نمائندہ پاکستان)جی ٹی ایس اتحادیونین خیبرپختونخواکے صدرجنان مامانے حکومت سے مطالبہ کیاہے کہ پنجاب حکومت کے طرزکے پی جی ٹی ایس ملازمین کوپنشن کاحق دیاجائے وگرنہ بنی گالامیں وزیراعظم عمران کے گھرکے سامنے خودسوزی کریں گے‘ان خیالات کااظہاراُنہوں نے گذشتہ روزیہاں میڈیاسنٹرنورنگ میں میڈیاسے گفتگو کرتے ہوئے کیااس موقع پرجنرل سیکرٹری نورجمال خان،سیف الرحمن گنڈاپور،مشال خان،عنایت اللہ،عزیزالرحمن اوراحسان اللہ سمیت دیگرعہدیداروں موجودتھے اُنہوں نے کہاکہ 1995میں اس وقت کے وزیراعلیٰ آفتاب شیرپاؤنے مبینہ طورپرجبری جی ٹی ایس کامحکمہ ختم کردیاصرف یہی نہیں بلکہ محکمے کے ملازمین کوکم مراعات دے کراڈوں سے پولیس کے ذریعے نکالاجس پرملازمین نے احتجاج کیاتوپولیس نے ملازمین پرلاٹھی چارج کااستعمال کیا اورجی ٹی ایس کے سی بی اے یونین کے ساتھ ملی بھگت سے مبینہ طورپرملازمین کے حق پرڈاکہ ڈالاگیاجس کاخمیازہ آج ملازمین بھگت رہے ہیں اُنہوں نے وزیراعظم عمران خان سے پرزورمطالبہ کیاہے کہ جی ٹی ایس کے سابق ملازمین کے مشکلات کومدنظررکھ کراُن کواپنے حقوق دیاجائے بصورت دیگربنی گالامیں وزیراعظم عمران خان کے گھرکے سامنے خودسوزی کریں گے۔

مزید : پشاورصفحہ آخر