احتجاجی ٹولے کے ڈاکٹرزپیغمبرانہ پیشے کوبدنام کرنے کی کوشش کررہے ہیں:ڈاکٹر یاسمین راشد

احتجاجی ٹولے کے ڈاکٹرزپیغمبرانہ پیشے کوبدنام کرنے کی کوشش کررہے ہیں:ڈاکٹر ...
احتجاجی ٹولے کے ڈاکٹرزپیغمبرانہ پیشے کوبدنام کرنے کی کوشش کررہے ہیں:ڈاکٹر یاسمین راشد

  



لاہور(ڈیلی پاکستان آن لائن)صوبائی وزیرصحت پنجاب ڈاکٹریاسمین راشدنےکہا ہے کہ احتجاجی ٹولے کے ڈاکٹرزپیغمبرانہ پیشہ کوبدنام کرنے کی کوشش کررہے ہیں،لاہورکے تمام بڑے سرکاری ہسپتالوں میں مریضوں کاعلاج معالجہ جاری ہے،آج لاہورکے میوہسپتال، جنرل ہسپتال، سروسزہسپتال، گنگارام ہسپتال اورجناح ہسپتال کے اوپی ڈیزمیں مجموعی طورپربیس ہزارسے زائدمریضوں کاعلاج معالجہ ہوا۔ پنجاب کے تمام ٹیچنگ ہسپتالوں کے اوپی ڈیزمیں علاج معالجہ کروانے والے مریضوں کے اعدادوشمارروزانہ کی بنیادپراکٹھے کئے جارہے ہیں۔

نجی نیوزچینل کوانٹرویو دیتے ہوئے ڈاکٹر یاسمین راشد نے کہا کہ ہڑتالی ڈاکٹرزسیاست چمکانے کی آڑمیں سرکاری ہسپتالوں میں مریضوں کاحق ماررہے ہیں،لگتاہے احتجاجی ڈاکٹرزمولانافضل الرحمن کے دھرنے کی تیاری کررہے ہیں، ہڑتالی ڈاکٹرزاحتجاج سے پہلے خداراایم ٹی آئی ایکٹ پڑھنے کی جسارت کرلیں۔  ڈاکٹریاسمین راشد نے کہا کہ صوبہ کے تمام ٹیچنگ ہسپتالوں کے پروفیسرز، ڈاکٹرز، پیرامیڈیکل سٹاف اورنرسزبے بنیادہڑتال کے خلاف متحدہیں،لاعلم احتجاجی ٹولہ انتظامی اورمالی خودمختاری پرنجکاری کاڈرامہ رچاکرعوام کوگمراہ کررہا ہے،سرکاری ٹیچنگ ہسپتالوں میں مریضوں کے علاج معالجہ میں کسی قسم کاتعطل نہیں آنے دینگے،احتجاجی ڈاکٹرزکے ساتھ دس ملاقاتوں میں ایم ٹی آئی ایکٹ پرنتیجہ خیزگفتگوہوئی۔صوبائی وزیر نے کہا کہ وزیراعلی پنجاب سردارعثمان بزدارنے نئے ڈاکٹرزبھرتی کرنے کی ہدایت کردی ہے،ڈاکٹرزکومریضوں کاعلاج معالجہ روکنازیب نہیں دیتا،احتجاجی ٹولے کے ڈاکٹرزپیغمبرانہ پیشہ کوبدنام کرنے کی کوشش کررہے ہیں۔

مزید : علاقائی /پنجاب /لاہور