اپوزیشن سے مذاکرات کو حکومتی کمزوری نہ سمجھا جائے،موٹر وے بندکر نے کا کوئی فیصلہ نہیں کیا:چوہدری محمد سرور

اپوزیشن سے مذاکرات کو حکومتی کمزوری نہ سمجھا جائے،موٹر وے بندکر نے کا کوئی ...
اپوزیشن سے مذاکرات کو حکومتی کمزوری نہ سمجھا جائے،موٹر وے بندکر نے کا کوئی فیصلہ نہیں کیا:چوہدری محمد سرور

  



لاہور (ڈیلی پاکستان آن لائن) گور نر پنجاب چوہدری محمدسرور نے کہا ہے کہ اپوزیشن سے مذاکرات کو حکومتی کمزوری نہ سمجھا جائے،حکومت اپوزیشن سے خوفزدہ ہے اور نہ ہی انکے احتجاج کو روکنے کیلئے موٹر وے بندکر نے کا کوئی فیصلہ کیا جارہا ہے،چوہدری شجاعت حسین اور چوہدری پرویز الٰہی سمیت تمام اتحادی حکومت کے ساتھ ہیں۔لائن آف کنٹرول پر پاکستانی افواج نے بھارت کو منہ توڑ جواب دیکر ملکی دفاع کی نئی تاریخ رقم کردی ہے،بھارت کے جنگی جنون اور کشمیر یوں پر بھارتی مظالم کے خاتمے کیلئے دنیا کو اپنا کردار ادا کر نا ہوگا،جنگ ہو یا امن کر تار پورراہداری منصوبہ کو ہر صورت آئندہ ماہ سکھ یاتریوں کیلئے کھول دیا جائیگا اور باباگرونانک کے 550 ویں جنم دن کی تقر یبات میں بھی دنیا بھر سے 1لاکھ سے زائد سکھ یاتری پاکستان آئیں گے۔

مقامی ہوٹل میں جاپان کے تعاون سے معذور افراد کی بحالی کے حوالے سے منعقدہ کانفر نس سے خطاب کے بعد میڈیا سے گفتگو کرتے ہوئےگور نر پنجاب چوہدری محمدسرور نے کہاکہ جب سے مولانا فضل الرحمن اور دیگر اپوزیشن جماعتوں نے احتجاج کا منصوبہ شروع کررکھا ہے اس سے کشمیر یوں کی حمایت کیلئے پاکستان میں قائم اتحاد اور یکجہتی کو شدید نقصان ہورہا ہے،یقینی طور پر دنیا کے سفارتکار بھی اپنے ممالک کو پاکستان کے ان حالات کے بارے میں آگاہ کر رہے ہوں گے اس لیے ہم اپوزیشن سے بار بار کہہ رہے ہیں کہ وہ احتجاج کے ذریعے ملک کو عدم استحکام کا شکار کر نے کی بجائے کشمیر یوں کی حمایت اور بھارت کے جنگی جنون کے خلاف کھڑے ہوں۔

ایک سوال کے جواب میں چوہدری محمدسرور نے کہا کہ ہم آج بھی اپوزیشن سے کہتے ہیں وہ اگر پر امن احتجاج کر نا چاہتے ہیں تو ہمیں بتائے کہ انکا پلان کیا ہے اور وہ کہاں احتجاج یا دھر نا کر نا چاہتے ہیں؟ لیکن یہ کسی صورت نہیں ہوسکتا ہے کہ اپوزیشن جماعتیں وفاقی درالحکومت سمیت کسی شہر کو مفلوج کر یں، ہم نے ہر صورت آئین وقانون کی حکمرانی کو یقینی بنانا ہے،جو بھی آئین وقانون ہاتھ میں لے گا اسکے خلاف یقینی طور قانون حر کت میں آئیگا۔ انہوں نے مزید کہا کہ لائن آف کنٹر ول پر بھارتی افواج کی بلااشتعال فائر نگ کی جتنی مذمت کی جائے وہ کم ہے پوری قوم افواج پاکستان کیساتھ ہے اور پاکستان کا دفاع مضبوط ہے۔

مزید : علاقائی /پنجاب /لاہور