پاکستان کے زرِ مبادلہ ذخائر میں بڑی کمی

پاکستان کے زرِ مبادلہ ذخائر میں بڑی کمی
پاکستان کے زرِ مبادلہ ذخائر میں بڑی کمی
سورس: File

  

کراچی (ڈیلی پاکستان آن لائن) پاکستان  کے زرِ مبادلہ کے ذخائر میں پریشان کن حد تک کمی ہوگئی۔ سٹیٹ بینک آف پاکستان نے ذخائر کے حوالے سے ہفتہ وار رپورٹ جاری کردی ہے۔

مرکزی بینک کے مطابق پاکستان کے زر مبادلہ ذخائر میں ایک ارب 64 کروڑ ڈالر کی کمی ہوئی ہے جس کے بعد ملکی ذخائر  24 ارب 32 کروڑ ڈالر رہ گئے ہیں۔  سٹیٹ بینک کے ذخائر ایک ارب 64 کروڑ  ڈالر کی کمی کے ساتھ 17 ارب 49 کروڑ ڈالر ہوگئے ہیں جب کہ کمرشل بینکوں کے ذخائر میں 42 لاکھ ڈالر کا اضافہ ہوا ہے۔ کمرشل بینکوں کے پاس چھ ارب 83 کروڑ ڈالر کے ذخائر موجود ہیں۔

سٹیٹ بینک کا کہنا ہے کہ گزشتہ ہفتے کے دوران 1 ارب ڈالر کی سکوک ادائیگی کی گئی ہے جس کی وجہ سے ذخائر میں کمی ہوئی ہے۔

مزید :

بزنس -