سکائپ سروس دنیا بھر میں ”ڈاﺅن“ صارفین پریشان، کمپنی قابو پانے کیلئے کوشاں

سکائپ سروس دنیا بھر میں ”ڈاﺅن“ صارفین پریشان، کمپنی قابو پانے کیلئے کوشاں
سکائپ سروس دنیا بھر میں ”ڈاﺅن“ صارفین پریشان، کمپنی قابو پانے کیلئے کوشاں

  

لاہور (مانیٹرنگ ڈیسک) مائیکروسافٹ کی ملکیت سوشل میڈیا سروس سکائپ کو پوری دنیا میں استعمال کیا جاتا ہے اور کروڑوں صارفین اس سروس سے بھرپور استفادہ حاصل کرتے ہیں تاہم اگر آپ کو آج سکائپ استعمال کرنے میں مشکلات کا سامنا کرنا پڑ رہا ہے تو پریشان ہونے کی کوئی ضرورت نہیں کیونکہ یہ مسئلہ صرف آپ کے ساتھ ہی نہیں بلکہ پوری دنیا میں موجود سکائپ صارفین کو درپیش ہے اور مائیکرو سافٹ اس مسئلے کو حل کرنے کیلئے کوشاں ہے۔

ایک موبائل ایپ جو آپ کو بڑے دھوکے سے بچا سکتی ہے

تفصیلات کے مطابق سکائپ سروس دنیا بھر کے صارفین کیلئے ”ڈاﺅن“ ہے۔ کمپنی نے سوشل میڈیا ویب سائٹ ” ٹوئٹر“ پر جاری ایک پیغام میں اس کی تصدیق کی ہے اور بتایا ہے کہ وہ سکائپ میں ”سٹیٹس“ سے متعلق خرابی سے آگاہ ہیں اور اسے ٹھیک کرنے کی بھرپور کوشش کر رہے ہیں“۔ تاہم یہ خرابی کب تک ٹھیک ہو جائے گی اس سے متعلق کمپنی نے کچھ نہیں بتایا۔ سکائپ کمپنی کے ایک ترجمان کا کہنا ہے کہ ” دنیا بھر میں سکائپ کے کچھ صارفین اس مسئلے کے باعث سروس استعمال کرنے سے قاصر ہیں۔ اس خرابی سے متاثرہ صارفین کا ”سٹیٹس“ آف لائن ہو گا جبکہ فرینڈ لسٹ میں شامل تمام افراد بھی آف لائن ہی نظر آئیں گے جس کے باعث نہ تو انہیں کال کی جا سکے گی اور نہ ہی ان کی جانب سے کال موصول ہو گی جبکہ متاثرہ شخص باوجود کوشش کے اپنا سٹیٹس تبدیل نہیں کر سکے گا“۔

کدو اور مردانہ طاقت کا کیا تعلق ہے؟ تحقیق میں ایسا انکشاف کہ جس کے بعد مردوں کو کدﺅوں سے دور رکھنا مشکل ہو جائے گا

کمپنی کے کمپیوٹر اور موبائل فون پر سکائپ استعمال کرنے والے صارفین اس سے متاثر ہوئے ہیں تاہم اس میں موجود چیٹنگ کی سہولت بالکل صحیح طریقے سے کام کر رہی ہے جبکہ سکائپ کی ویب سروس بھی بالکل درست کام کر رہی ہے۔

مزید : سائنس اور ٹیکنالوجی