گھوٹکی میں جگہ دینے سے انکار پر صوبائی وزیر جام مہتاب کے رشتہ دار کا شہری پر بجلی کی تار سے تشدد ، پولیس کا رروائی سے گریزاں

گھوٹکی میں جگہ دینے سے انکار پر صوبائی وزیر جام مہتاب کے رشتہ دار کا شہری پر ...
گھوٹکی میں جگہ دینے سے انکار پر صوبائی وزیر جام مہتاب کے رشتہ دار کا شہری پر بجلی کی تار سے تشدد ، پولیس کا رروائی سے گریزاں

  

گھوٹکی (مانیٹرنگ ڈیسک ) اوباڑو ملک محلہ میں جگہ کرائے پر نہ دینے پر صوبائی وزیرتعلیم جام مہتاب ڈہرکے رشتہ دار نے شہری کو تشد د کا نشانہ بنا ڈالا ۔پولیس نے رپورٹ درج کرنے کے باوجود ملزم کیخلاف کارروائی سے انکا ر کر دیا ۔

نیو نیوز کے مطابق گھوٹکی کے علاقہ اوباڑو ملک محلہ میں صوبائی وزیر جام مہتاب ڈہر کے رشتہ دار جام تیمور ڈہر نے شہری سے جگہ کرائے پر طلب کی مگر اس نے انکا ر کر دیا جس پر جام تیمور ڈہر آ گ بگولہ ہو گیا اور شہری کو بنگلے پر بلاکر رسیوں سے باندھ دیا ۔

چارسدہ میں پولیس پارٹی پر فائرنگ ۔۔۔۔مکمل خبر پڑھنے کیلئے اس لنک پر کلک کریں

ذرائع کا کہنا ہے کہ جام تیمور ڈہر نے شہری پر بجلی کی تاروں سے بے انتہا تشدد کیا جس سے وہ شدید زخمی ہو گیا مگر اس کے باوجود جام تیمور ڈہر نے شہری کی جانب بخشی نہ کی ۔

نوجوان منت سماجت بھی کرتا رہا مگر بااثر وڈیرے نے ساتھیوں سمیت اس پر بیہمانہ تشدد کیا جس سے اس کی حالت غیر ہو گئی۔

ذرائع نے بتایا کہ تشدد کے بعد شہری نے اوباڑو تھانے کی پولیس کو آگاہ کیا جس نے رپورٹ درج کر لی مگر اس کے باوجود تاحال بااثر وڈیرے کیخلاف کوئی کارروائی نہیں کی گئی ۔

مزید :

گھوٹکی -اہم خبریں -