آئی سی سی نے پاکستان میں مرحلہ وار انٹرنیشنل کرکٹ بحالی کی یقین دہانی کرائی ہے‘ علیم ڈار

لاہور(سپورٹس ڈیسک)انٹر نیشنل کرکٹ کونسل کے ایلیٹ امپائر علیم ڈار نے کہا ہے کہ ورلڈالیون کے دورہ کے بعد پاکستان میں انٹرنیشنل کرکٹ کی بحالی کی راہ ہموار ہوئی ہے ،آئی سی سی کے ہائی آفیشلزسے بات ہوئی ہے جنہوں نے پاکستان میں مرحلہ وار انٹرنیشنل کرکٹ کی بحالی کی یقین دہانی کرائی ہے۔ لاہور میں میڈیا سے گفتگو کرتے ہوئے علیم ڈار نے کہا کہ پاکستان کے لوگ کرکٹ کے کھیل سے بیحد پیار کرتے ہیں۔ پاکستان میں کرکٹ کا بے پناہ ٹیلنٹ موجود ہے جو پی ایس ایل کے ذریعے سامنے بھی آرہا ہے ۔ انہوں نے کہا کہ ورلڈن الیون کادورہ پاکستان انتہائی مثبت رہا ہے اور اس سے پاکستان میں انٹر نیشنل کرکٹ کی بحالی کی راہ ہموار ہوئی ہے۔ میری آئی سی سی کے ہائی آفیشلز سے بات ہوئی ہے جن کا کہنا ہے کہ مختصر دورے کے ذریعے آغا زکیا جائے گا اور اس کے بعد و ن ڈے اور ٹیسٹ کرکٹ بھی ہو گی۔