بیلجیئم میں خشک سالی کے باعث آلو کی پیداوارمیں کمی،’ ’چپس ‘‘ کا سائز کم کردیاگیا

بیلجیئم میں خشک سالی کے باعث آلو کی پیداوارمیں کمی،’ ’چپس ‘‘ کا سائز کم ...

برسلز(مانیٹرنگ ڈیسک)بیلجیم میں آلو کے’’فرائز یا چپس ‘‘ کی لمبائی اب نارمل سائز سے 3 سینٹی میٹر کم ہو گئی ہے۔امریکی ٹی وی کے مطابق ملک میں آلو کی فصل کی پیداوار سے متعلق ایسوسی ایشن کے سربراہ پیری لیبرن کا کہنا تھاکہ کم بارش کی وجہ سے فصل 25 فیصد کم ہوئی ہے۔انھوں نے بتایا کہ اس وقت آلو سائز میں چھوٹے ہیں، ہم چھوٹے چپس کھائیں گے۔فرائز بیلجیم میں روایتی ڈش ہے جسے مائیونیز کے ساتھ کھایا جاتا ہے۔لیبرن کا کہنا تھا کہ خشک سالی کی وجہ سے کسانوں کے لیے کام کرنا بہت مشکل ہو گیا ہے۔جنوبی انگلینڈ، نیدرلینڈ، فرانس اور مغربی جرمنی میں بھی یہی صورتحال نظر آرہی ہے۔رپورٹ کے مطابق ملک میں آلو کی کاشت کرنے والے سب سے بڑے ادارے یدان میں تباہی کی صورتحال ہے کسان کچھ کاشت نہیں کر پا رہے۔ ہم نے 30 فیصد گھاٹا ریکارڈ کیا ہے۔بیلجیئم کے لوگوں نے 1680 میں اس وقت اپنی مرغن غذا فرائیڈ فش کے بجائے آلو کے فرائز کھانے شروع کیے جب دریائے موز کا پانی شدید ٹھنڈ کی وجہ سے جم گیا تھا۔

مزید : صفحہ آخر