کراچی، بس میں سلنڈر دھماکے سے ایک شخص جاں بحق، گاڑی مکمل طور پر تباہ 

      کراچی، بس میں سلنڈر دھماکے سے ایک شخص جاں بحق، گاڑی مکمل طور پر تباہ 

  

 کراچی(آئی ا ین پی) کورنگی سنگر چورنگی کے قریب فیول اسٹیشن پر کھڑی بس میں سلنڈر دھماکے سے ایک شخص جاں بحق ہوگیا۔ تفصیلات کے مطابق کراچی کے علاقے کورنگی میں سنگر چورنگی کے قریب فیول اسٹیشن پر کھڑی بس میں سلنڈر دھماکے کے نتیجے میں ایک شخص جاں بحق ہوگیا، ریسکیو حکام کے مطابق دھماکے کی اطلاع ملتے ہی موقع پر پہنچے اور زخمی شخص کو جناح ہسپتال منتقل کیا جہاں وہ زخموں کی تاب نہ لاتے ہوئے دم توڑگیا۔پولیس کے مطابق دھماکے کے باعث بس مکمل طور پر تباہ ہوگئی جب کہ قریب کھڑی کوسٹر کو بھی جزوی نقصان پہنچا تاہم دھماکے سے متعلق مزید تفتیش جاری ہے جب کہ دھماکے میں جاں بحق شخص کی شناخت تاحال نہیں ہوسکی۔

سلنڈر دھماکہ

مزید :

صفحہ آخر -