اُٹھ جاگ کھراڑے مار نہیں، اے سون ترے درکار نہیں | بلھے شاہ |

اُٹھ جاگ کھراڑے مار نہیں، اے سون ترے درکار نہیں | بلھے شاہ |
اُٹھ جاگ کھراڑے مار نہیں، اے سون ترے درکار نہیں | بلھے شاہ |

  

اُٹھ جاگ کھراڑے مار نہیں، اے سون ترے درکار نہیں

کتھے ہے سلطان سکندر، موت نہ چھڈے پیر پیغمبر

سبھے چھڈ چھڈ گئے اڈ امبر ، کوئی ا یتھے پائیدار نہیں

جو کجھ کرسیں سوکجھ پاسیں، نہیں تے اوڑک پچھو تاسیں

سونجی کونج ونگوں کرلاسیں، کھنباں باجھ اُڈارنہیں

بلھا شوہ بن کوئی ناہیں، ایتھے اوتھے دوئیں سرائیں

سنبھل سنبھل قدم ٹکائیں، پھیر آون دوجی وار نہیں

شاعر: بلھے شاہ

( کلام بلھے شاہ: مطبوعہ؛پاکستان انٹرنیشنل پرنٹرز لاہور)

Utha    Jaag    Khuraarray    Maar    Nahen  ,   Ay   Saon    Tiray    Darkaar    Nahen

Kithay    Hay    Sultan    Sikandar  ,    Maot    Na     Chadday    Peer   Paighambar

Sabhay    Chhad    Chhad     Gaey    Oh    Ambar  ,   Koi    Ethay    Paidaar   Nahen

Jo   Kujh    Karsen   So   Kujh     Paasen  ,   Nahen Tay    Orrak     Pachho   Taasen

Soonji    Koonj    Waagun    Kurlaasen  ,    Khanbaan    Baajh    Udaar   Nahen

BULLAH     SHOH    Bin    Koi    Naahen  ,   Ethay    Othay    Dohen    Saraaen

Sanbhal    Sanbhal     Qadam    Tikaaen  ,    Phir    Aawan    Dooji    Waar    Nahen

Poet: Bulleh   Shah

مزید :

شاعری -سنجیدہ شاعری -