دل کوپہلو میں اضطراب رہا | بے خود دہلوی |
دل کوپہلو میں اضطراب رہا
زندگی بھر یہی عذاب رہا
دیکھیے کیا قیامت آتی ہے
اور کچھ دن اگر شباب رہا
رازِ الفت نہ چھپ سکا ہم سے
صبر کے ساتھ اضطراب رہا
دل میں جب تک رہا وہ پردہ نشیں
مجھ کواپنے سے بھی حجاب رہا
وصل میں وہ کھچے رہے ہم سے
مہربانی میں بھی عتاب رہا
خوب دلکھول کر اُڑا زاہد
میرے ذمے ترا حساب رہا
ہولیے جس کے ہو لیے بے خود
یار اپنا تو یہ حساب رہا
شاعر: بے خود دہلوی
شاعر: بے خود دہلوی
(شعری مجموعہ: اسرارِ بے خود، سالِ اشاعت،1980 )
Dil Ko Pehlu Men Iztaraab Raha
Zindagi Bhar Yahi Azaab Raha
Daikhiay Kaya Qayamat Aati Hay
Aor Kuch Din Agar Shabaab Raha
Raaz -e- Ulfat Na chhup Saka Ham Say
Sabr K Saath Iztaraab Raha
Dil Men Jab Tak Raha Wo Parda Nasheen
Mujh Ko Apnay Say Hijaab Raha
Wasl Men Wo Khichay Rahay Ham Say
Mehrbaani Men Bhi Utaab Raha
Khoob Dik Khol Kar Uraa Zahid
Meray Zimmay Tira Hisaab Raha
Ho Liay Jiss K Ho Liay BEKHUD
Yaar Apna To Yeh Hisaab Raha
Poet: Bekhud Dehlvi