نیوزی لینڈ کرکٹ بورڈ پاکستانی ٹیم کے ساتھ سیریز کھیلنے سے متعلق کیا آس دلا رہاہے ؟ بڑا دعویٰ سامنے آ گیا 

نیوزی لینڈ کرکٹ بورڈ پاکستانی ٹیم کے ساتھ سیریز کھیلنے سے متعلق کیا آس دلا ...
نیوزی لینڈ کرکٹ بورڈ پاکستانی ٹیم کے ساتھ سیریز کھیلنے سے متعلق کیا آس دلا رہاہے ؟ بڑا دعویٰ سامنے آ گیا 

  

 لاہور(ڈیلی پاکستان آن لائن ) نیوزی لینڈ کرکٹ بورڈ آئندہ سال سیریز کی آس دلانے لگا۔

نجی ٹی وی ایکسپریس نیوز کے مطابق جمعے کے روز پہلا ون ڈے شروع ہونے سے قبل کیویز نے اچانک سیکیورٹی تھریٹ کا جواز پیش کرتے ہوئے دورہ ختم کرنے کا اعلان کردیا تھا، اس یکطرفہ فیصلے پر پی سی بی اور شائقین دونوں حیران وپریشان رہ گئے۔دوسری جانب نیوزی لینڈ کرکٹ بورڈ نے اسکواڈکو دبئی منتقل کرنے کیلئے اپنے خرچ پر چارٹرڈ طیارے کا انتظام کیا، قرنطینہ اور ہوٹل کے قیام کا بوجھ بھی اٹھایا۔

دورہ ختم کرنے کے بعد سے نیوزی لینڈ کرکٹ کے چیف ایگزیکٹو ڈیوڈ وائٹ بھی مسلسل صفائیاں دیتے ہوئے اپنی مجبوری کا رونا رو رہے ہیں، وہ آئندہ سیریز ری شیڈول کرنے، مالی نقصان پر بات کرنے سمیت مصالحت کے راستوں پر مبنی بیانات بھی دینے میں مصروف ہیں۔

انھوں نے آئندہ سال شیڈول ٹیسٹ سیریز کے ساتھ ہی ون ڈے اور ٹی ٹوئنٹی میچز بھی رکھنے کا عندیہ دے دیا۔

سی سی او وسیم خان واضح کر چکے کہ ہم اپنی ہر ہوم سیریز صرف ملک میں کھیلنے کے فیصلے پر قائم ہیں، کیویز کو میچز کھیلنا ہیں تو پاکستان آکر کھیلیں،پاکستان ٹیم کے پاس فی الحال فری ونڈو بھی دستیاب نہیں ہے۔

مزید :

کھیل -