انگلینڈ اور نیوز ی لینڈ بورڈذ کےخلاف قانونی کارروائی کیلئے مشورہ کریں گے، فواد چوہدری کا اہم بیان سامنے آگیا
اسلام آباد (ڈیلی پاکستان آن لائن ) وفاقی وزیر اطلات و نشریات فواد چوہدری نے کہا ہے کہ نیوزی لینڈ اور انگلینڈ کی جانب سے دورہ پاکستان منسوخ کرنے سے ہمیں نقصان ہوا ہے، دونوں بورڈذکے خلاف قانونی کاروائی کیلئے وکلاءسے مشورہ کریں گے۔
سماجی رابطے کی ویب سائٹ ٹوئٹر پر پیغام میں وفاقی وزیر فواد چوہدری کا کہنا تھا کہ نیوزی لینڈ اور انگلینڈ کے دوروں کی منسوخی سے پاکستان ٹیلی ویژن(پی ٹی وی ) کو کروڑوں روپے کا نقصان ہواہے، پاکستان کیخلاف ایک مخصوص بین القوامی لابی مصروف عمل ہے لیکن ہمیں جھکانے کی خواہش رکھنے والے کبھی کامیاب نہیں ہوں گے یہ غلط فہمی جلد دور کر لیں۔
نیوزی لینڈ اور انگلینڈ کےدوروں کی منسوخی سے PTV کو کروڑوں روپے کا نقصان ہوا دونوں بورڈز کے خلاف قانونی کاروائ کیلئے وکلاء سےمشورہ کریںنگے، پاکستان کیخلاف ایک مخصوص بین القوامی لابی مصروف عمل ہے لیکن ہمیں جھکانے کی خواہش رکھنےوالے کبھی کامیاب نہیں ہوں گے یہ غلط فہمی جلد دور کر لیں
— Ch Fawad Hussain (@fawadchaudhry) September 21, 2021
واضح رہے کہ نیوز ی لینڈ کے بعد انگلینڈ کرکٹ بورڈ نے بھی مینز اور ویمنز ٹیموں کے دورے منسوخ کر دیئے ہیں،پاکستان اور انگلینڈ کے درمیان دو ٹی 20 میچز اکتوبر میں راولپنڈی میں کھیلے جانے تھے۔