انگلینڈ کے دورہ پاکستان منسوخ کرنے پر سابق انگلش کپتان اور صحافی بھی اپنے کرکٹ بورڈ کے خلاف پھٹ پڑے

انگلینڈ کے دورہ پاکستان منسوخ کرنے پر سابق انگلش کپتان اور صحافی بھی اپنے ...
انگلینڈ کے دورہ پاکستان منسوخ کرنے پر سابق انگلش کپتان اور صحافی بھی اپنے کرکٹ بورڈ کے خلاف پھٹ پڑے

  

لندن(ڈیلی پاکستان آن لائن)سابق انگلش کپتان مائیک ایتھرٹن نے کہا ہے کہ انگلینڈ بورڈ پاکستان کا قرض چکانے میں ناکام رہا ہے۔

برطانوی اخبار کے لیے لکھے گئے اپنے آرٹیکل میں انکا کہنا تھا کہ انگلشن بورڈ اور کھلاڑیوں کے پاس اس ہفتے چیزوں کو ٹھیک کرنے کا موقع تھا مگر انہوں نے اسے گنوادیا۔آسڑیلیا سے چیزوں کو ٹھیک کرنے کی اتنی ہی امید ہے جتنی کہ انگلینڈ سے تھی۔دورے کی منسوخی سے واضح پتہ چل رہا کہ اس کی وجہ سیکیورٹی تھریٹ نہیں ہے۔انگلش سیکیورٹی ٹیم کی جانب سے دورے کے حوالے سے کوئی نئی  بات سامنے نہیں آئی ہے۔اگر کوئی سیکیورٹی کا مسئلہ تھا تو انگلینڈ بورڈ کا اس کا بتانا چاہیے تھا۔پاکستان کے دوروں کی منسوخی کی وجہ سے شدید مالی نقصان ہوا انکا غصہ جائز ہے۔رمیز راجہ ابھی سے اگلے سال کے دوروں کے متعلق پلان کررہے ہیں۔

معروف برطانوی صحافی  پیٹر اوبورن کا کہنا تھا کہ لگتا ہے کہ دورے کو سیکیورٹی وجوہات کی وجہ سے منسوخ نہیں کیا گیا،برطانوی ٹیم کو وہی سیکیورٹی فراہم کی  جانی تھی جو کہ برطانوی شہزادے کو کچھ روز قبل پاکستان کے دورے کے دوران فراہم کی گئی تھی۔ برطانوی  ہائی کمیشنر آفس بھی سیکیورٹی سے مطمئن تھا۔پاکستان کے بغیر کرکٹ کا کھیل مکمل نہیں ہے۔ پاکستان نے کورونا کے شدید خطرات کے باوجود انگلینڈ کا دورہ کیا اور برطانیہ کی مدد کی اور اس کے بدلے میں برطانوی بورڈ نے بہت غلط کیا۔یہ صرف پاکستان کرکٹ نہیں بلکہ انٹرنیشنل کرکٹ کے لیے ایک دھچکا ہے۔

مزید :

کھیل -