دورے کی منسوخی پر پاکستان نے نیوزی لینڈ کے خلاف بڑا قدم اٹھا لیا
اسلام آباد (ڈیلی پاکستان آن لائن )نیوزی لینڈ کے دورے کی منسوخی پر پاکستان نے معاملہ سفارتی سطح پر اٹھاتے ہوئے نیوزی لینڈ کی حکومت کو احتجاجی مراسلہ بھجوا دیا ۔
تفصیل کے مطابق وزارت خارجہ کی طرف سے نیوزی لینڈ کی حکومت کو مراسلہ بھجوا یا گیا جس میں دورے کی منسوخی سے متعلق وضاحت طلب کی گئی ہے ۔پاکستان نے نیوزی لینڈ کی حکومت پر زور دیا ہے کہ تھریٹ الرٹ کی نو عیت کے بارے میں تفصیلات دی جائیں ۔دوسری جانب پاکستانی سفیر نے بھی نیوزی لینڈ کی وزارت خارجہ سے رابطہ کر کے یہ معاملہ اٹھا یا ہے ۔
