ن لیگ کی قیادت نے اب تک انتہائی غیر سیاسی فیصلے کیے، فواد چوہدری

  ن لیگ کی قیادت نے اب تک انتہائی غیر سیاسی فیصلے کیے، فواد چوہدری

  

اسلام آ باد (نیوز ایجنسیاں) رہنماء تحریک انصاف فواد چوہدری نے کہا ہے کہ ن لیگ کی قیادت نے اب تک انتہائی غیر سیاسی اور احمقانہ فیصلے کیے۔ رہنما تحریک انصاف نے لکھا کہ اگر چھ ماہ پہلے الیکشن کرواتے تو ن لیگ کیلئے بہتر تھا یا آج بہتر ہیں، چار ماہ بعد جو معاشی حالات ہیں لوگوں نے گھروں میں گھس کر پتھر مارنے ہیں۔دریں اثناء سابق وزیر اعظم عمران خان کی گزشتہ روز چکوال جلسے کی گرما گرم تقریر کے بعد پاکستان تحریک انصاف کے رہنما فواد چوہدری نے وضاحت پیش کرتے ہوئے کہاہے کہ ہم فوج سے اچھے تعلقات چاہتے ہیں، عمران خان کی پیر کے روز تقریر کا ایک پس منظر ہے۔میڈیا سے گفتگو کرتے ہوئے فواد چوہدری نے کہا کہ ہم فوج سے اچھے تعلقات چاہتے ہیں، عمران خان کی پیر کے روز تقریر کا ایک پس منظر ہے۔انہوں نے کہا کہ مسلم لیگ (ن)کے خرم دستگیر نے کہا تھا انہیں کہا گیا کہ عمران خان اپنی مرضی کا آرمی چیف لے آئیگا اور ہم سب جیلوں میں ہوں گے، اس وقت آئی ایس پی آر کو خرم دستگیر کو شٹ اپ کال دینی چاہیے تھی بعد میں یہ کام جاوید لطیف اور مریم نواز نے کیا۔فواد چوہدری نے کہا کہ اب خرم دستگیر نے کہا ہے کہ آرمی چیف کی تقرری نواز شریف نے کرنی ہے، پاکستان کا آفیشل سیکرٹ ایکٹ تو وزیراعظم کو اس بات سے منع کرتا ہے، عمران خان نے اس پس منظر میں یہ بات کہی تھی۔

فواد چوہدری

مزید :

صفحہ اول -