سپریم کورٹ نے جے آئی ٹی کیلئے متعلقہ اداروں سے نام طلب کر لئے

سپریم کورٹ نے جے آئی ٹی کیلئے متعلقہ اداروں سے نام طلب کر لئے

  

اسلام آباد (آن لائن،اے این این ) سپریم کورٹ نے پانامہ کیس میں جوائنٹ انوسٹی گیشن ٹیم (جے آئی ٹی) کیلئے متعلقہ اداروں سے نام طلب کرتے ہوئے اٹارنی جنرل اور اسٹیبلشمنٹ ڈویژن سمیت چھ اداروں کو فیصلے کی کاپی بھجوا دی ہے جبکہ وزیراعظم نواز شریف ان کے صاحبزادوں حسن اور حسین نواز کو نوٹسز جاری کرتے ہوے جے آئی ٹی سے تعاون کی ہدایت کر دی ہے۔ذرائع کے مطابق عدالت عظمیٰ کی جانب سے جمعہ کو جاری نوٹسز وزیراعظم کے سیکرٹری اور ایڈووکیٹ آن ریکارڈ کے ذریعے بھجوائے گئے جن میں وزیراعظم اور انکے صاحبزادوں کو جوائنٹ انوسٹی گیشن ٹیم سے تعاون کی ہدایت کی گئی ہے، ذرائع نے مزید بتایا کہ عدالت عظمیٰ نے جے آئی ٹی کی تشکیل کیلئے بھی متعلقہ اداروں سے نام طلب کرتے ہوئے پانامہ لیکس کے فیصلے کی کاپی اٹارنی جنرل آفس اور سیکرٹری اسٹیبلشمنٹ ڈویژن سمیت ڈائریکٹر جنرل ایف آئی اے ، چیئرمین نیب ، گورنر سٹیٹ بنک ، چیئرمین سکیورٹی ایکسچینج کمیشن ،اور سیکریٹری دفاع کے ذریعے ڈی جی آئی ایس آئی اور ایم آئی کوارسال کردی ہے ، ذرائع کے مطابق عدالتی احکامات کے بعد متعلقہ ادارے جے آئی ٹی کیلئے اپنے نمائندوں کے نام سپریم کورٹ کو بھجوائیں گے اور اگر سپریم کورٹ ان ناموں پر متفق ہوئی تو جے آئی ٹی تشکیل دیدی جائے گی جو پاناما کیس کی مزید تحقیقات کرے گی ۔

جے آئی ٹی کیلئے نام طلب

مزید :

صفحہ اول -