تعلیم اور صحت کے میدان میں ہنگامی اقدامات کئے گئے،حنا پرویز

تعلیم اور صحت کے میدان میں ہنگامی اقدامات کئے گئے،حنا پرویز

لاہور(لیڈی رپورٹر) مسلم لیگ(ن) کی رکن پنجاب اسمبلی حنا پرویز بٹ نے کہا ہے کہ تعلیم اور صحت کے شعبوں ہنگامی بنیادوں پر کام کیا گیا ہے۔پنجاب میں تعلیم کااعلیٰ معیار حکومت کی اولین ترجیح ہے۔سرکاری سکولوں میں بنیادی سہولیات کی فراہمی یقینی بنائی گئی ہے۔بیت الخلاء ،چار دیواری اور پینے کے صاف پانی کی فراہمی جیسے پروجیکٹس پر تیزی سے کام جاری ہے۔دیہی علاقوں کے سکولوں میں چار دیواری سب سے بڑا مسئلہ تھا لیکن محکمہ تعلیم نے وزیر اعلیٰ کی ہدایات کے مطابق اس پر ہنگامی بنیادوں پر کام کیا ہے۔جبکہ اساتذہ کی حاضری اور کارکردگی کو چیک کرنے کیلئے مانیٹرنگ ٹیمیں ماہوار سکولوں کے دورے کرتی ہیں ان خیالات کا اظہار انہوں نے گزشتہ روز مقامی ہوٹل میں ایک سیمینار سے خطاب کرتے ہوئے کیا۔ان مزید کہنا تھا ماضی کی حکومت نے تعلیم و صحت کے مسائل کو سنجیدگی سے نہیں لیا لیکن وزیر اعلیٰ پنجاب نے سب سے پہلے سرکاری ہسپتالوں میں علاج و معالجے کی بہترین سہولیات اور بیڈز کی کمی کو پورا کیا ہے جن ہسپتالوں میں بیڈز کی کمی سامنے آئے رہی ہے آئندہ بجٹ میں ہسپتالوں میں تمام سہولایت کی فراہمی کو یقنی بنایا جائے گا

مزید : میٹروپولیٹن 1